Қурғоқчилик ва нотўғри сув сиёсати Европада сув танқислигига олиб келади ва бу келажакда янада ёмонлашади. Бу ҳақда Financial Times хабар берди.
Европа Иттифоқида 1976 йилдан 2006 йилгача қурғоқчилик сони ва интенсивлиги кескин ўсгани, улардан зарар кўрган майдон деярли 20 фоизга ошгани айтилмоқда. 2020 йилдаёқ Жаҳон Ресурслар институти (WRI) 2030 йилга бориб чучук сувга бўлган талаб 56 фоизга ошишини тахмин қилганди.
Бироқ қурғоқчилик сув танқислигига олиб келадиган ягона омил эмас. Қишнинг салқинлигига ва етарли миқдорда ёғингарчиликка ўрганиб қолган Европа сиёсатчилари сув таъминоти ҳақида кам қайғуради.
“Европадаги сув режимларининг аксарияти мўл-кўлчилик давридан қолган, энди уларни ислоҳ қилиш керак”, — деди Иқтисодий ҳамкорлик ва тараққиёт ташкилоти вакили Ксаве Лефлев.
Қолаверса, муаммо Европанинг қуруқ ерлари билан чекланиб қолмайди. EurEau атроф-муҳитни муҳофаза қилиш ташкилотига кўра, ёмон қувурлар туфайли Европа мамлакатлари ўртача 25 фоиз ичимлик сувини йўқотади. Масалан, Римда бу кўрсаткич 42 фоизни ташкил қилади. Чунки шаҳарнинг баъзи кварталларида сув таъминоти тизими Рим империяси давридан бери сақланиб қолган.
Шу билан бирга, Лефлевнинг фикрига кўра, йўқотишларнинг оптимал даражаси тахминан 10 фоизни ташкил қилади.
Изоҳ (0)