Ўзбекистонда етти ойда 51 ва ундан катта ёшли аёлларнинг қанчаси никоҳдан ўтгани маълум қилинди

Ўзбекистонда 2023 йилнинг январь июль ойларида ФҲДЁ органлари томонидан жами 122 468 та никоҳ қайд этилди, деб хабар беради Статистика агентлиги.

Қайд этилган никоҳларда келинларнинг ёш гуруҳлари бўйича таркиби қуйидагича:

• 30 ёшгача – 109 550 нафар;                                                
• 31-40 ёш – 10 000 нафар;
• 41-50 ёш – 2 174 нафар;
• 51 ёш ва ундан катталар – 744 нафар.

Ўзбекистонда шу йилнинг дастлабки олти ойида қайд этилган никоҳлар сони ўтган йилнинг мос даврига қараганда 10 000 тага камайгани тўғрисида хабар берилганди. Никоҳларнинг ўсиш суръати энг юқори даражаси Хоразм, Фарғона, Навоий, Қашқадарё вилоятлари ҳамда Тошкент шаҳрида кузатилган. Энг паст ўсиш даражаси Тошкент, Жиззах, Андижон, Сирдарё вилоятлари ва Қорақалпоғистон Республикасида қайд қилинган.

Шунингдек, ота-она ёки уларнинг ўрнини босувчи шахслар томонидан никоҳ ёшига етмаган шахсни эрга бериш ёки уйлантириш 4 миллион 950 минг сўм жарима солишга сабаб бўлиши маълум қилинган эди.