“Ўзгидромет” ҳафта давомида кузатиладиган об-ҳаво прогнозини эълон қилди.
Унга кўра, 28 август, душанба куни кундузи ҳарорат 23-28 даража атрофида бўлади. Фақат Фарғона водийси вилоятларида бугун булутли об-ҳаво сақланиб туради, айрим ҳудудларда ёмғир ёғади.
28 август, сешанба куни Ўзбекистон ҳудудининг катта қисмида қуруқ, кам булутли ва илиқ об-ҳаво бўлиши кутилмоқда, ҳаво ҳарорати 29-32 даражагача кўтарилади. Фақат Ўзбекистоннинг шимоли-ғарбий ҳудудларига нам ҳавонинг янги қисми тарқала бошлайди, Қорақалпоғистон Республикасининг баъзи жойларида ёмғир ёғиши мумкин.
30 августда республика бўйича баъзи жойларда, 31 августда кечаси ва эрталаб Тошкент, Самарқанд, Жиззах, Сирдарё вилоятлари ва Фарғона водийси вилоятларида баъзи жойларда қисқа муддатли ёмғир ёғади, айрим жойларда момақалдироқ бўлади.
31 августда кундузи ва 1 сентябрда Ўзбекистоннинг барча ҳудудларида ёғингарчилик кутилмайди. Ҳаво ҳарорати 25-30 даража атрофида бўлади.
29 августда шимолда, 30—31 август кунлари республика бўйича баъзи жойларда шамол тезлиги 15-20 метр/секундгача кучайиши, айрим жойларда чанг-тўзон билан кузатилиши мумкин.
Тошкентда 28 август ва 29 август кунлари ҳаво асосан бир оз булутли бўлади, ёғингарчилик кутилмайди. 30 августда, шунингдек кечаси ва эрталаб 31 августда қисқа ммуддатли ёмғир ёғиши, момақалдироқ бўлиши мумкин.
31 августда кундузи ва 1 сентябрда ёғингарчилик кутилмайди. Ҳарорат 28 августда 24-26 даража, 29 —31 август ва 1 сентябрда 25-30 даража бўлади.
Изоҳ (0)