Ҳиндистоннинг “Викрам” космик аппарати Ойдан биринчи маълумотни узатди: Ернинг табиий йўлдоши тупроғи кутилганидан иссиқроқ бўлиб чиқди, деб ёзмоқда Press Trust of India.
Ҳинд космик агентлигининг катта олими Би Дарукешнинг айтишича, Ой юзасининг термал характерини тушуниш учун юза термофизикаси тажрибаси доирасида Ой тупроғининг юқори қатлами ҳарорати ўлчанган.
“Биз ҳаммамиз юза ҳарорати Цельсий бўйича 20 дан 30 даражагача бўлиши мумкин деб ўйлагандик, лекин у 70 даража бўлиб чиқди. Бу биз кутганимиздан ҳайратланарли даражада юқори”, — деди Дарукеш.
Эслатиб ўтамиз, 23 август куни Ҳиндистоннинг “Викрам” аппарати “Прагян” луноходи билан Ой юзасига муваффақиятли қўнганди. Луноход Ой юзасининг элементар таркиби ҳақида илғор билимларни тақдим этиши кутилмоқда. Қурилмага рентген алфа-заррачалар спектрометри ва лазер ёрдамида бошқариладиган спектроскоп ўрнатилган. Детекторлар “Викрам” модулига ҳам ўрнатилган.
Ҳиндистон миссияси тарихда биринчи марта Ер сунъий йўлдошининг кам ўрганилган жанубий қутби яқинига қўнишга муваффақ бўлди. Олимларнинг фикрича, бу ҳудудда муз ҳолатидаги сув ва қимматли элементларнинг катта заҳиралари бўлиши мумкин.
Изоҳ (0)