Самарқанд—Тошкент—Самарқанд йўналишида қўшимча йўловчи поездлар ҳаракати йўлга қўйилади, деб хабар беради “Ўзтемирйўлйўловчи” матбуот хизмати.
Маълум қилинишича, 1 сентябрь — Мустақиллик куни байрами муносабати билан йўловчиларга қулайлик яратиш мақсадида 28 август кунидан 3 сентябрь кунигача 767/768-сонли Самарқанд—Тошкент—Самарқанд” йўналишида “Афросиёб” электропоездининг қўшимча ҳаракати йўлга қўйилади. Поезд қуйидаги жадвал асосида ҳаракатланади:
767-сонли Самарқанд—Тошкент йўналиши
- Самарқанд 11:09 — Тошкент 13:19.
768-сонли Тошкент—Самарқанд йўналиши
- Тошкент 13:40 — Самарқанд 15:48.
Қўшимча маълумотни Тошкент шаҳридаги 1005 қисқа телефон рақами, жойлардаги темирйўл чиптахоналари ҳамда маълумотлар бюросидан билиб олиш мумкин. Чипталарни нафақат темир йўл чиптахоналаридан, балки электрон тарзда ушбу ҳавола орқали харид қилса бўлади.
Май ойида Самарқанд, Бухоро, Хоразм ва бошқа вилоятларга қатновчи поездларга чипта топиш мураккаб экани муҳокамаларга сабаб бўлганди. Ўшанда вилоятларга қатновчи поездлар чипталарини яширин сотиш ҳолатлари кўплиги айтилган эди.
Изоҳ (0)