Украина 24 август куни Мустақиллик кунини нишонлаяпти. Мамлакат президенти Владимир Зеленский байрам табригини “Украинага мустақиллик берган” барча украиналикларга бағишлади.
“Катта урушда кичкина ишлар бўлмайди. Керакcизлар, аҳамиятсизлар бўлмайди. Бу одамларга, ҳаракатларга ва айтилаётган сўзларга тааллуқли. Украина мустақиллигини нишонлаганимизда, унинг замирида ҳамма ўзини ҳис қилиши мумкин”, — деди Зеленский видеомурожаатида.
Украина президенти ҳар бир аскар ва матросга, ҳар бир сержант ва бригадирга, ҳар бир офицерга, ҳар бир генералга, ҳимоячиларнинг ота-оналарига, фронтдан яқинларини кутаётганларга, жангчиларни қўллаб-қувватлаб, уларга “инсонийлик қуролини” берган фарзандларга миннатдорлик билдирди.
“Кимдир ишлаб, кимдир иш бериб, кимдир спортдаги ғалабалари билан Украина учун шон-шараф қозонмоқда, кимдир уйининг эшикларини очиб, уйсизларга, босқиндан омон қолганларга бошпана бермоқда”, — таъкидлади у.
Бундан ташқари, Украина раҳбари мамлакат мудофааси учун хизмат қилаётган қурол-яроғлар, махфий операцияларни бажараётганларни алоҳида эътироф этди.
“Мен бугун янгиликларда гапирилмайдиган, исмлари озчиликка маълум, лекин бажараётган вазифаси ҳамманинг назарига тушаётганлар ҳақида алоҳида гапирмоқчиман. Бизнинг ракеталаримиз. Украина снарядлари. Бизнинг замбаракларими. Украина дронлари”, — деди Зеленский.
Душман флотининг флагмани – “Москва” крейсерини чўктирганимиздан ғурурланган пайтимиз, Қрим кўпригидаги зарбалардан хурсанд бўлганимизда, ҳозир уларнинг номини айта олмайдиган, аммо келажакда улар ҳақида китоблар ёзиладиган, албатта фильмлар суратга олинадиган одамлардан миннатдор бўламиз. Мен ёпиқ фармонлар билан мукофотлайдиган ва энг қийин операцияларни бажарадиганлар ҳақида. Раҳмат сизларга! Сиз ҳаммангиз муҳимсиз!”
Изоҳ (0)