Тошкент шаҳри Мирзо Улуғбек туманида жойлашган 51 хонали ҳовли аукцион орқали 33,2 миллиард сўмга сотилди.
“E-auksion” маълумотларига кўра, умумий майдони 52 сотих бўлган ушбу ҳовли ичидаги жиҳозлари, 135 турдаги товар ва моддий бойликлар билан сотилган.
“Тошкент шаҳри, Мирзо Улуғбек тумани, Равон кўчаси 50-уй, Мирзо Улуғбек тумани, Зайтун кўчаси 70-уй ҳудудидан бугунги кунда битта уй сифатида фойдаланиб келинаётгани боис, ҳар икки уй битта уй-жой сифатида ва ундаги мол-мулклар билан бирга электрон онлайн-аукцион орқали сотувга чиқарилмоқда”, — дейилади савдо маълумотида.
Пишган ғиштдан 2017 йилда қурилган уй икки қаватли бўлиб, майдони 2052,88 квадрат метрни ташкил этади. Шунингдек, ҳовлида газ, сув, электр таъминоти ва канализация мавжуд.
Объектни электрон-онлайн аукционга қўйиш учун асос — Ўзбекистон Ҳарбий судининг 2021 йил 15 апрелдаги 91-сонли ижро варақаси ҳамда бюро инспектор С.Аҳмедовнинг 2021 йил 20 декабрдаги қарори. Уй “Mob group” МЧЖ томонидан сотиб олинган.
.jpg)
Мазкур ҳовли 2022 йил февралида аукцион орқали сотувга чиқарилган, бироқ ўшанда сотилмаган эди.
Аукционга қўйилган қиммат уйлар
2022 йил февралда Тошкентда МИБ томонидан аукционга қўйилган ҳовли 2,7 миллиард сўмга сотилганди. Шунингдек, Тошкентдаги ҳовли МИБ томонидан 5,2 миллиард сўмга аукционга қўйилгани, Нурафшонда 9 қаватли уй 51 миллиард сўм бошланғич нарх билан сотувга чиқарилгани тўғрисида хабар берилганди. Тошкент шаҳар Мирзо Улуғбек тумани, Сухайл кўчасидаги ҳовли эса 4 миллиард сўм қийматида кимошди савдосига қўйилган эди.
Изоҳ (0)