Шавкат Мирзиёев 18 август куни Ўзбекистонда тадбиркорликни ривожлантириш борасидаги устувор вазифалар тўғрисида сўзлаган нутқида бир ой ичида 200 дан ортиқ раҳбар ишдан олинганини айтди.
“Бир ой ичида 200 дан кўпроқ раҳбарни ишдан олдик. Нимага? Аравани тортмаяпти. Нимага бугунги ҳаётга муносиб эмас? Бўлаверади деб яшаяпти. Таҳлил қилмайди, телевизор кўрмайди, дунёда нима бўляпти, қандай рақобат босиб келяпти, бу рақобатга қачон муносиб бўламиз, деган саволга жавоб топмаяпти. Шунинг учун улар билан хайрлашишга мажбур бўляпмиз”, — деди давлат раҳбари.
Президент Халқаро конгресс марказида ўтказилган тадбиркорлар билан очиқ мулоқотида тадбиркорлик фаолиятини кенгайтириш ва янги лойиҳаларни амалга ошириш учун янада қулай шароитлар яратиш, тадбиркорликни ривожлантиришга тўсиқ бўлаётган муаммоларни бартараф этиш бўйича муҳим ташаббусларни илгари сурди.
Изоҳ (0)