“Ҳарри, кетиш пайти келди”. Собиқ футболчи Алан Ширер “Тоттенҳэм” ҳужумчиси Ҳарри Кейнга ҳазил қилди (фото) 

Англиялик собиқ футболчи Алан Ширер “Тоттенҳэм” ҳужумчиси Ҳарри Кейннинг “Бавария”га ўтишига ҳазил муносабат билдирди.

“Бўлди, Ҳарри, кетиш пайти келди!”, — деб ёзган “Ньюкасл”нинг собиқ ҳужумчиси ўз Twitter саҳифасида. Шунингдек, Ширер ўзининг самолёт учувчиси образидаги суратини ҳам жойлаган. 

Эслатиб ўтамиз, Ширер 260 та гол билан АПЛнинг тарихидаги энг яхши тўпурар ҳисобланади. “Шпорлар” ҳужумчиси Кейн 213 та гол билан 2-ўринда бормоқда.

Ҳарри Кейнга Мюнхеннинг “Бавария” жамоаси жиддий қизиқиш билдирмоқда. Немис клуби футболчи учун “Тоттенҳэм”га 100+20 миллион евро таклиф қилган. Ҳозирда “шпорлар” президенти Дэниэл Леви Кейннинг Мюнхенга боришини тақиқлагани хабар қилинмоқда.