Диаметри 1 километргача чиқадиган потенциал хавфли астероид 6037 (1988 ЭG) 23 август куни Ердан тахминан 6 миллион километр узоқликда учиб ўтади. Бу ҳақда NASA’нинг Ерга яқин объектларни ўрганиш маркази матбуот хизмати хабар берди.
Объект 23 август куни, Тошкент вақти билан соат 13:18 да сайёрага максимал яқин келади. Ҳисоб-китобларга кўра, самовий жисм ва Ер орасидаги минимал масофа деярли 6,1 миллион километрни ташкил қилади. Ер орбитасини 7,5 миллион километрдан кам масофада кесиб ўтадиган объектларнинг барчаси потенциал хавфли ҳисобланади.
Олимлар тахминига кўра, астероиднинг диаметри 430 дан 960 метргача, тезлиги эса секундига 14,25 километрни ташкил этади. Олимлар ушбу объект Ер орбитасини кесиб ўтса-да, унинг сайёра билан тўқнашиш хавфи йўқлигини айтди.
6 август куни узунлиги 137 метр бўлган астероид Ердан 3,8 миллион километр масофада учиб ўтгани хабар қилинганди. Коинот объектининг тезлиги 76 752 км/соат бўлган.
Изоҳ (0)