Leagues Cup. “Интер Майами” пенальтилар сериясида “Даллас”ни мағлуб этиб, кейинги босқичга йўл олди (видео)

Футбол бўйича Leagues Cup турнири 1/8 финал босқичида “Интер Майами” 7 август тонгида “Даллас” жамаоси билан тўқнаш келди.

Учрашувнинг асосий бўлимлари 4:4 ҳисобида якунланди. Пенальтилар сериясида эса “Интер Майами” зафар қучди. Месси ўйинда дубль қайд этган бўлса, Альба иккита ассистни ўз ҳисобига ёздириб қўйди. Бускетс эса пенальтилар сериясида гол урди.

Leagues Cup — Мексика ва АҚШ жамоалари ўйнайдиган клублар ўртасидаги турнир ҳисобланади. Ушбу мусобақа жорий йилдан бошлаб, КОНКАКАФ тасарруфида ўтказилмоқда. Leagues Cup’да дастлабки учта ўринни эгаллаган клублар автоматик равишда КОНКАКАФ Чемпионлар Лигасига йўлланмага эга чиқади. 

Leagues Cup

6 август, душанба

“Даллас” – “Интер Майами” 4:4 

Пенальтилар серияси: 3:5

Голлар: 0:1 – Месси (Альба, 6), 1:1 – Кинон (37), 2:1 – Камунго (45), 3:1 – Веласко (63), 3:2 – Кремаски (Альба, 65), 4:2 – Тейлор (68, автогол), 4:3 – Фарфан (80, автогол), 4:4 – Месси (85).