Шадурди Мередов Туркманистоннинг Ўзбекистондаги фавқулодда ва мухтор элчиси этиб тайинланди. Бу ҳақда “Turkmenportal” хабар берди.
Тайинловга қадар Шадурди Мередов Туркманистоннинг Қирғизистондаги элчиси лавозимида фаолият юритган.
Июль ўрталарида Туркманистоннинг Ўзбекистондаги элчиси Язгули Маммедов бошқа ишга ўтгани муносабати билан лавозимидан бўшатилган эди. Язгули Маммедов 2018 йил июль ойида Ўзбекистондаги элчи этиб тайинланган эди. Бунгача у Туркманистоннинг Малайзия, Бруней-Доруссалом давлати, Индонезия ва Таиланддаги элчиси лавозимларида ишлаган. Язгули Маммедов 2012—2018 йилларда Туркманистоннинг Тошкентдаги дипломатик ваколатхонасини бошқарган Шири Шириев ўрнини эгаллаган.
Бундан олдин Буюк Британиянинг Ўзбекистондаги янги элчиси этиб Тимоти Смарт тайинлангани, Ўзбекистон ташқи ишлар вазири Бахтиёр Саидов янги тайинланган Малайзия элчиси Илхам Туа бин Иллиасдан ишонч ёрлиқларининг нусхаларини қабул қилиб олгани тўғрисида хабар берилганди.
Изоҳ (0)