Эрон ҳукумати 2—3 август, чоршанба ва пайшанба кунларини аномал иссиқ ҳаво туфайли дам олиш куни деб эълон қилди. Бу ҳақда Al-Arabiya хабар берди.
Эрон ҳукумати вакили Али Баҳодорий Жаҳромийнинг айтишича, чоршанба ва пайшанба кунлари давлат идоралари, банклар ва мактабларни вақтинча ёпиш қарори Эрон Соғлиқни сақлаш вазирлигининг огоҳлантириши билан боғлиқ. Аввалроқ вазирлик юқори ҳарорат туфайли иссиқ уриши ҳолатлари кўпайиши мумкинлигидан огоҳлантирганди.
Сўнгги кунларда Эронда ҳаво ҳарорати Цельсий бўйича ўртача 40 даражага етди. Сешанба куни Теҳронда термометр 38 даражани, Эрон жануби-ғарбидаги Аҳваз шаҳрида эса 50 даражани кўрсатди.
Метеорологларнинг прогнозларига кўра, келаси уч кун ичида Теҳронда ҳаво ҳарорати яна ҳам кўтарилиши мумкин — Цельсий бўйича 39 даражагача.
Изоҳ (0)