Ўзбекистонда Солиқ мобил иловаси орқали берилган жами кешбэклар 1,4 триллион сўмдан ошди.
Солиқ қўмитасининг маълум қилишича, 2023 йилнинг июнь ойида 2,5 миллиондан ортиқ истеъмолчи томонидан 134,2 миллиард сўм кешбэк йиғилган бўлиб, шундан 1,8 миллиондан ортиқ истеъмолчига 98,1 миллиард сўм кешбэк тўлаб берилди.
Шунингдек, камчиликлар бартараф этилиши натижасида ўтган ойлар учун ҳисобланган яна 2,3 миллиард сўм кешбэк тасдиқланди.
Берилган жами кешбэклар 1,4 триллион сўмдан ошди.
Тадбиркорлик субъектлари томонидан солиқ ҳисоботлари топширилиши, ҳисоботлардаги камчиликлар тузатилиши, солиқ қарздорлиги камайтирилиши инобатга олиниб қолган кешбэк суммалари автоматик тарзда тасдиқлаб борилади.
Изоҳ (0)