Шавкат Мирзиёев иштирокида бўлиб ўтган ИИВ кенгайтирилган ҳайъат йиғилишида Ички ишлар вазир ўринбосари Нажмиддин Тўрахожаев лавозимидан озод қилди.
Президент матбуот котибининг маълум қилишича, тизимда рақамлаштириш аҳволи қониқарсизлиги танқид қилинди. Ички ишлар вазирининг бу масалалар учун масъул ўринбосари зиммасига юклатилган бирорта вазифа охиригача етказилмагани кўрсатиб ўтилди ва шу муносабат билан Нажмиддин Тўрахожаев лавозимидан озод қилинди.
Нажмиддин Садирович Тўрахўжаев вазирнинг ахборот технологиялари бўйича ўринбосари этиб 2021 йилнинг февралида тайинланди. Илгари у Вазирлар Маҳкамаси ҳузуридаги Давлат персоналлаштириш марказини бошқарган.
Президент маҳаллада жиноятчиликни жиловлаш бўйича янгича иш тартибини белгилаб берди.
Ички ишлар вазирлиги, Камбағалликни қисқартириш ва бандлик вазирлиги, Оила ва хотин-қизлар қўмитаси, Ёшлар ишлари агентлигига:
- жиноят қилишга мойиллиги бор оғир аҳволдаги аҳоли билан “ижтимоий профилактика” тамойили асосида ишлаш бўйича “маҳалла бешлиги”нинг вазифаларини аниқ белгилаб бериш;
- ёш тоифаси, ижтимоий ва моддий аҳволидан келиб чиқиб, уларнинг ҳар бир гуруҳи учун алоҳида методика ишлаб чиқиш топширилди.
Энди профилактика инспектори ҳудудида жиноят қилишга мойиллиги бор шахсларни аниқлайди, “маҳалладаги бешлик” уларнинг муаммоларини ҳал қилади.
Бундан аввал президент бош прокурор биринчи ўринбосари Баҳриддин Валиев, ички ишлар вазири биринчи ўринбосари Шавкат Раҳмоновга, маҳаллада профилактика инспекторлари ишини лозим даражада ташкил қилмагани учун, ички ишлар вазирининг ушбу соҳага масъул ўринбосари Бекмурод Абдуллаевга ҳайфсан эълон қилган ва уч ой синов муддати тайинлаганди.
Барча вилоят прокурорлари ва ИИБ бошлиқларининг биринчи ўринбосарлари ўзига тегишли хулоса қилмаса, йил якуни билан барчаси лавозимидан озод этилишини айтганди.
Изоҳ (0)