Президент мактабларига кириш имтиҳонларининг биринчи босқич натижалари эълон қилинди

Ихтисослаштирилган таълим муассасалари агентлиги президент мактабларига кириш имтиҳонларининг биринчи босқич натижаларини эълон қилди.

Тест натижаларини компьютер ишлатган ҳолда ушбу ҳавола орқали кўриш мумкин.

Саралаш имтиҳон натижаларини қидириш тартиби

• Талабгор топширган ҳудуди бўйича белгиланган *.пдф файлни очилади; 
• Номзоднинг натижасини билиш учун қидириш тугмасини босиб (Cтрл+Ф), сизга тақдим этилган махсус ID рақами терилади ва Enter тугмаси босилади;
• Саралаш босқичи имтиҳонларига ўтган номзодлар – жадвалнинг юқори қисмида кўк рангда белгиланган бўлади;
• Саралаш босқичи имтиҳонларига ўта олмаган номзодлар эса – оқ ранг билан белгиланган бўлади.

Президент мактабларига кириш имтиҳонлари натижаларини текшириш ва талабгорларнинг жавоблари натижаларини баҳолаш таълим соҳасида фаолият юритувчи хорижий ташкилот — Cambridge Ассессмент International Эдуcатион томонидан амалга оширилади. 

Саралаш натижалари аноним тарзда эълон қилинади. Номзоднинг шахсий маълумотлари кўрсатилмайди. 

Асосий имтиҳонлар 2023 йил 31 июль куни ўтказилиши режалаштирилган. Якуний босқичга саралаш босқич имтиҳонида қатнашган номзоддан 6720 нафари, яъни қабул квотасида белгиланган ҳар бир ўринга 20 киши ҳисобидан талабгорлар йўлланма олади.

Шунингдек, саралаш натижаларни ушбу ҳавола орқали ҳам текшириш мумкин.

Эслатиб ўтамиз, 15 июль куни бўлиб ўтган президент мактабларига кириш имтиҳонларининг биринчи босқичида 1-сменада тушган саволларнинг 2-сменада ҳам такрорлангани ҳақида хабарлар тарқалди. Ихтисослаштирилган таълим муассасалари агентлиги буни рад этиб чиқди. “Бир сменада берилган саволлар кейинги сменаларда айнан қўлланмайди”, — дейилади муносабатда.

Ихтисослаштирилган мактаблар ҳақида

2022 йил 14 апрель куни президентнинг “Президент таълим муассасалари агентлиги тизимидаги ихтисослаштирилган мактаблар тармоғини кенгайтириш тўғрисида”ги фармони имзоланган. Унга кўра, 2023 йил 1 июнга қадар фаолияти тугатилган меҳрибонлик уйлари ва болалар шаҳарчалари негизида 5 та ихтисослаштирилган мактаб-интернати ҳамда 3 та ихтисослаштирилган мактаб; 2022—2024 йилларда Президент таълим муассасалар агентлиги тизимида 25 та ихтисослаштирилган мактаб-интернатлари қуриш ҳамда келгусида янги ихтисослаштирилган мактаб-интернатлар ва ихтисослаштирилган мактабларни фақат агентлик тизимида ташкил этиш каби вазифалар белгилаб берилган.