Қирғизистон президенти Садир Жапаров жияни Улан Жапаровнинг ҳибсга олинишига изоҳ берди. Бу ҳақда Кабар ахборот агентлигига хабар берди.
Ички ишлар вазирлиги Улан Жапаровни божхонадаги коррупсион схемаларда иштирок этганликда гумон қилиб қўлга олганди. У президент амакиваччаси Рақимжон Жапаровнинг ўғли. Улан Жапаров ҳозирда тергов изоляторида ҳибсда сақланмоқда.
Жапаров “ҳаммага бирдек муносабатда бўлиш керак”, деб таъкидлади. Агар бирор киши коррупцияга алоқадор бўлса, у ким бўлишидан қатъи назар, қамоққа олиниши кераклигини билдирди.
“Давлатга икки баробар зарарни қоплаганингдан кейингина озод этиласан. Тўламасанг, кетолмайсан. У менинг укам, деб жиноятчини қўлга олишига йўл қўймасам, бошқа ака-укалар ҳам аралаша бошлайди. Қирғизларда яхши ибора бор: Бирнинг жазоси мингга сабоқ. Бу менинг изоҳим”, — деди Жапаров.
Аввалроқ Қирғизистон президенти матбуот котиби раҳбари президент таниш-билиш ва қариндош-уруғлигидан қатъи назар, ҳар ким ўз қилмиши учун қонун бўйича жавоб бериши ҳақида огоҳлантирганини айтганди.
Изоҳ (0)