“Дарё” нашрида Антикоррупция агентлиги Яккасарой ҳокимини “тадбиркорлик билан шуғулланяпти”, деди. Ҳокимлик буни рад этмоқда” номли материал эълон қилинган эди. Яккасарой тумани ҳокимини Sanico Group ва “Uv-Маks” жамияти эгалигидан 13 июнь куни чиқарилгани, лекин Коррупцияга қарши курашиш агентлиги бу маълумотларни 20 июль куни тарқатгани айтилган.
Коррупцияга қарши курашиш агентлиги ахборот хизмати “Дарё”га ҳолат бўйича батафсил тушунтириш берди.
Коррупцияга қарши курашиш агентлиги томонидан давлат бошқарув органлари ва давлат иштирокидаги хўжалик юритувчи субъектларда коррупцияга қарши курашиш ишларининг ҳолати ўрганилганда айрим раҳбар мансабдор шахслар томонидан қонунбузилиши ҳолатларига йўл қўйилгани аниқланган.
Жумладан:
- Миллий антидопинг агентлиги директори А.Садиков “Тоtal Оil” МЧЖ;
- “Ахборотлаштириш Бош маркази” ДУК раҳбари Д.Сарихожаев “Мусаммо” МЧЖ;
- Андижон вилояти Бўстон тумани ҳокими С.Носирова “Сабина иссиқ нонлари 777” ва “Кўмир Саноати” МЧЖлар;
- Навоий вилояти Қизилтепа тумани ҳокими У.Файзиев “Zarafshon Golden Group” ва “Zarafshon Grand Invest” МЧЖлар, “Ғани Бобо Чорваси” фермер хўжалиги;
- Тошкент шаҳар Яккасарой тумани ҳокими А.Сайфутдинов “Sanico Group” ва “Uv-Маks” МЧЖлар;
- Ипакчилик ва жун саноатини ривожлантириш қўмитаси раҳбари Б.Шарипов “Каромат Ойижон-Сурхон” фермер хўжалигида таъсисчи сифатида фаолият юритиб келаётганлиги маълум бўлди.
Аниқланган ҳолатлар бўйича мазкур давлат органлари ва ташкилотлари, шунингдек, уларнинг юқори турувчи идораларига агентлик томонидан тақдимномаларга асосан
- Тошкент шаҳар коррупцияга қарши ички назорат бўлими томонидан 22 июнь куни Агентликка тақдим этилган жавоб хатига кўра, Яккасарой тумани ҳокими А.Сайфутдиновнинг Sanico Group ва “Uk-Маks” МЧЖлардаги;
- Марказий банк томонидан 16 июнь куни агентликка юборилган хатига асосан “Ахборотлаштириш бош маркази” ДУК раҳбари Д.Сарихожаевнинг “Мусаммо” МЧЖдаги;
- Миллий антидопинг агентлиги томонидан 16 июнь куни Агентликка юборилган хатига кўра Агентлик директори А.Садиковнинг “Тоtal Oil” МЧЖдаги таъсисчилиги тугатилган.
Андижон вилояти Бўстон тумани ҳокими С.Носированинг “Сабина иссиқ нонлари 777” ва “Кўмир саноати” МЧЖлардаги таъсисчилиги юзасидан вилоят ҳокимлигига киритилган тақдимнома бўйича агентликка жавоб хати келиб тушмаган, бироқ ўтказилган мониторинг давомида С.Носированинг ушбу фирмалардаги таъсисчилиги тугатилганлиги ойдинлашди.
Ипакчилик ва жун саноатини ривожлантириш қўмитаси раҳбари Б.Шариповнинг “Каромат ойижон Сурхон” фермер хўжалигида таъсисчи сифатида фаолият юритиб келаётгани юзасидан 2023 йил 20 июнь куни Қишлоқ хўжалиги вазирлигига киритилган тақдимнома бўйича ҳам ҳалигача агентликка жавоб хати тақдим этилмаган.
Изоҳ (0)