Ҳиндистоннинг Махараштра штатида 20 июлга ўтар кечаси содир бўлган кўчки қурбонлари сони 22 кишига етди. Юзга яқин одам бедарак йўқолган, деб хабар беради “MИR 24”.
Қутқарувчилар воқеа жойида бир кундан бери ишламоқда. Қидирув фақат қоронғи тушиши билан тўхтаяпти. Кўчки Раигад туманидаги қишлоқда ўнлаб уйларни босиб кетган. Ўша пайтда у ерда 200 дан ортиқ одам бор эди. Улардан уч нафари уйларини тарк этишга улгурган. Яна 20 га яқин одам тупроқ билан қопланган бинолар вайроналари остидан тириклайин олиб чиқилди.
Айни пайтда қурбонлар сони ортиши мумкинлиги хабар қилинмоқда.
“Қутқарувчилар бошқа ерни қидиришяпти, биз кўрсатган жойда уйлар бор эди, одамлар шу ерда қолишган. Аммо қутқарувчилар бизни ўзларининг қидирув ҳудудларига яқинлашишимизга рухсат беришмаяпти. Биз кўрсатган ерни қидиришса, сел остида қолган одамларни топишарди”, — деди Ирсалвади шаҳрида яшовчи Балу Амбу Парди.
Қутқарувчиларнинг ишини бир неча кундан бери тўхтамаган ёмғирлар, шунингдек, қишлоқнинг чекка ҳудудда жойлашгани ва унга ягона пиёда йўлакчаси орқали бориш кераклиги мураккаблаштирмоқда.
Изоҳ (0)