Кондиционер ҳақидаги чўпчаклар — улар нечоғлик ҳақиқатга яқин?

Жазирама иссиқда кўпчилик кондиционерли хоналарнинг салқинлигида ундан қочишни афзал кўради. Бироқ баъзилар кондиционердан фойдаланиш соғлиққа зарар етказади деб ҳисоблайди.

Caravan нашри кондиционер ва унинг хавфлари билан боғлиқ энг кенг тарқалган чўпчаклар ҳақида мутахассислар фикрини жамлади.

Кондиционер шамоллашни келтириб чиқаради

Кондиционер иссиқликни енгишнинг энг самарали воситаларидан бири ҳисобланади, лекин айни пайтда улар ҳақиқатан ҳам шамоллашнинг ривожланишига, жумладан, сурункали ринит, фарингит, тонзиллит ва ҳатто, бронхитнинг ривожланишига олиб келиши мумкин. Кўпинча одамлар ташқарида жуда иссиқ бўлганида, машинада шамоллаганидан шикоят қиладилар. Бундан ташқари, куннинг жазирамасидан совуқ хонага кириш инсон саломатлигига салбий таъсир кўрсатиши мумкин.

Кўпинча одамлар мушакларнинг оғриши, лимфа тугунларининг шиши ва бошқалар билан шифокорга мурожаат қилади. Шундан сўнг улар, шубҳасиз, аввалгидек кондиционерлардан фойдаланишдан қўрқишни бошлайдилар. Шуни ёдда тутиш керакки, иссиқ кўчадан дарҳол совуқ хонага ўтиш вазоспазмни яъни томирлар спазмини қўзғатиши мумкин. Бу минимум бош оғриғига, максимум инсултга сабаб бўлади.

Кўпинча одамлар кондиционерни нотўғри ишлатганликлари учун шамоллайди ва касал бўлади. Ҳеч ким фойдаланиш бўйича кўрсатмалар ва хавфсизлик чораларини ўқимайди.

Масалан, мутахассислар ҳар доим мижозларни ҳаддан ташқари иссиқда кондиционерда минимал ҳарорат ўрнатиш шарт эмаслиги ва максимал ҳаво оқимини ҳам ёқмаслик кераклиги ҳақида огоҳлантиради. Чунки бу уни портлатиб юбориши мумкин. Кўчада ва хонада ҳарорат фарқи 5-7 даражадан ошмаслиги керак. Акс ҳолда, шамоллаш хавфи ортади. Бундан ташқари, кондиционердан чиқаётган ҳаво оқими остида тўғридан тўғри турманг. Унинг остига стул ва тўшак қўймаслик керак, чунки ҳаво оқими тўғридан тўғри ҳеч кимга тушмаслиги лозим. Ҳаво оқимини шифтга йўналтириш тавсия этилади. Бироқ агар сиз ушбу қурилмадан эҳтиёткорлик билан фойдалансангиз, барча хавфсизлик қоидалари ва шифокорларнинг тавсияларига амал қилсангиз, кондиционер ҳеч қандай зарар етказмайди. Ҳаммаси уни қандай ишлатишингизга боғлиқ.

Кондиционер бактериялар ва касалликларни тарқатади

Бактериялар, албатта, кондиционерларнинг чанг филтрлари юзасида кўпайиши мумкин. Хусусан, хавфли бактерия легионелла пайдо бўлади. Ушбу бактериялар кондиционер филтрларидан ташқари нам муҳитда кўпаяди. Улар кўпинча пневмониянинг хавфли шаклини келтириб чиқаради.

Кондиционерда патоген микроблар ва бактериялар пайдо бўлишининг олдини олиш учун унинг филтрларини камида олти ойда бир марта, яхшиси 2-3 ойда бир марта тозалаш керак. Инфекция тарқалишининг олдини олиш учун кондиционер филтрларига махсус антибактериал дезинфекцияловчи аэрозоллардан фойдаланишни тавсия этилади. Бу қурилмадаги патоген бактериялар хавфини камайтиради.

Кондиционер кўчадаги ҳаводан чангни тортиб олади

Бу, шубҳасиз, ўйлаб топилган қуруқ гап. Ҳозиргача кўпчилик кондиционернинг ишлаши ҳақида нотўғри тасаввурга эга, шунинг учун кондиционер кўчадаги ҳавони тортиб олиб, уйга чиқаради деган қарашлар бор.

Аслида, замонавий кондиционернинг ишлаш принципи шундан иборатки, у кўпроқ оддий вентиляторга ўхшайди. Кондиционер фақат хонанинг, автомобилнинг ҳажмида мавжуд бўлган ҳаводан фойдаланади, ҳавони совитади ёки иситади ва уни хона бўйлаб ҳаракатлантиради. Кондиционер ҳавони кислород билан тўйинтирмайди. Шунингдек, кондиционернинг ишлаши ҳавони бир оз қуритади, шунинг учун нормал намликни сақлаб туриш учун хонани мунтазам равишда вентиляция қилиш керак.

Кондиционер ҳавони фреон билан заҳарлайди

Фреон ҳақиқатан ҳам бундай қурилмага ўхшаш техника тизимларида, жумладан, маиший кондиционерларда совитиш суви сифатида ишлатилади. Бу газ организмга ҳақиқатдан ҳам зарарли, лекин фақат бевосита алоқада бўлганда, яъни сиз ундан нафас олсангиз. Фреон тугаганининг биринчи белгиси — кондиционернинг ёмон ишлаши ёки ҳавони умуман совитмаслиги. Бундай вазиятда малакали мутахассисларни чақириш керак, улар муаммони бартараф қилади.

Кондиционер аллергия қўзғатади

Агар одамларда чанг, ўсимлик гулчанглари, дарахтларга аллергик реакциялар бўлса, буларнинг барчаси кондиционер филтрларига тушиши ва кейин кондиционердан хонага учиб кириши мумкин. Ушбу ҳодисага қарши курашишнинг ягона йўли кондиционерни, унинг филтрларини тез-тез ювиш ва тозалашдир. Шуни ҳам таъкидлаш керакки, нозик терига эга бўлганлар ҳам тозаланмаган кондиционернинг чангидан азият чекиши мумкин: терилари қизаради ва қичийди.