Сурхондарё вилояти Термиз шаҳрида 316 миллион сўм қалбаки пуллар ёқиб юборилди. Бу ҳақда Мажбурий ижро бюроси матбуот хизмати хабар берди.
Маълум қилинишича, Термиз шаҳрида яшовчи фуқаро 50 минг сўмлик купюрадаги жами 316 миллион сўм пулни сохталаштирган. Ҳуқуқни муҳофаза қилувчи органлар томонидан сохта пул ясовчи шахс ушланган. Жиноят ишлари бўйича Термиз шаҳри суди томонидан мазкур сохта пулларни йўқ қилиш бўйича қарор чиқарилган.
Сохта пуллар белгиланган тартибда Термиз туманидаги махсус чиқинди полигонида йўқ қилинган. Ёқилган буюмлар орасида ноқонуний алкогол маҳсулотлари ҳам бўлган.
Қалбаки пуллар муомаласи
Апрель бошларида Тошкент шаҳри Янгиҳаёт туманида харидор қалбаки пулга iPhone сотиб олгани, Тошкент вилояти Ангрен шаҳрида қалбаки пуллар муомалага киритилишининг олди олингани тўғрисида хабар берилганди.
2022 йил ноябрида Наманган вилоятида қалбаки 8 300 долларни муомалага киритишга уринган шахс ушланган эди. Декабрда эса Наманганда МИБ идорасида қалбаки 10 000 доллар ёқиб юборилган.
Изоҳ (0)