Ғарб давлатлари коалицияси Украинанинг 17 та бригада жанговар гуруҳини ва 63 000 дан ортиқ аскарини Киев қарши ҳужуми учун тайёргарликдан ўтказган, биргина АҚШ улардан 15 000 нафарини ўқитди ва “машғулотлар ҳали давом этмоқда”. Бу ҳақда АҚШ Қуролли кучлари штаб бошлиқлари бирлашган қўмитаси раиси, генерал Марк Милли маълум қилди.
Миллининг эслатишича, АҚШ Киевга 800 миллион долларгача бўлган қўшимча хавфсизлик ёрдами пакетини тақдим этган. Тўпламга қўшимча артиллерия тизимлари, жумладан, HIMARS ва Patriot зенит-ракета тизимлари каби ҳаво мудофаа қуроллари киради. Бундан ташқари, пакетда танкка қарши ва аниқ бошқариладиган авиация ўқ-дорилари, шунингдек, қурол-яроғлар бор, дея маълум қилди Пентагон.
Маълум қилинишича, АҚШнинг Украинага хавфсизлик бўйича кўрсатган ёрдами умумий миқдори 40 миллиард доллардан ошган.
“Гап нафақат Россиянинг ноқонуний уруши, балки Россияга ҳеч қандай ҳарбий хавф туғдирмаган мамлакатга қарши керакциз уруш ҳақида бормоқда”, — деди Марк Милли.
Ўз навбатида, Пентагон раҳбари украиналик учувчиларни тўртинчи авлод F-16 қирувчи самолётини бошқаришга ўқитишда “келишилган ўқув режасини муваффақиятли ишлаб чиқаётган” Дания ва Нидерландиянинг ҳиссасини эслатди.
Швеция ва Франция Украина билан мудофаа харидлари бўйича икки томонлама шартномалар имзолади, бу эса Киевга янада илғор тизимлар олишга ёрдам беради, деди Ллойд Остин.
Изоҳ (0)