АҚШ Миллий хавфсизлик кенгаши матбуот котиби Жон Кирбининг айтишича, Вашингтон Теҳрон билан Эронда сақланаётган америкалик фуқароларни қайтариш бўйича музокара олиб боряпти. Янги ядровий келишув муҳокамаси кун тартибидан ўрин олмаган.
“Биз ноқонуний ушлаб турилган америкаликларни ватанга қайтаришга эътибор қаратмоқдамиз”, — деди Кирби Fox News телеканалига берган интервьюсида.
“Айни пайтда Эрон билан ядровий келишувга қайтиш ҳозирча асосий вазифа эмас”, — дея қўшимча қилди у.
Унинг сўзларига кўра, агар Теҳрон “ядро соҳасидаги кескинликни пасайтириш чораларини кўра бошласа, бу минтақа, АҚШ ва Америка миллий хавфсизлиги манфаатлари учун яхши янгилик бўлади”.
Июнь ойида ОАВ АҚШ ва Эрон Теҳронда ҳибсга олинган америкаликларни озод қилиш бўйича келишувга эришишга яқин экани ҳақида хабар берган эди.
Изоҳ (0)