Ўзбекистон президенти Арманистон бош вазири билан икки томонлама муносабатларни ривожлантириш масалаларини муҳокама қилди, деб хабар бермоқда президент матбуот хизмати.
![](/static/nigora/photo_2023-07-12_12-44-15.jpg)
Қайд тилишича, 12 июль куни бўлиб ўтган телефон орқали мулоқотда Шавкат Мирзиёев ва Никол Пашинян икки томонлама муносабатларни, энг аввало, савдо-иқтисодий ва маданий-гуманитар соҳаларда ривожлантириш масалаларини кўриб чиқди.
Арманистон ҳукумати раҳбари Ўзбекистон етакчисини президент сайловидаги ишончли ғалабаси билан табриклаб, катта муваффақиятлар ва бахт-саодат тилади.
Суҳбатда амалий ҳамкорлик лойиҳаларини илгари суриш мақсадида Ҳукуматлараро комиссиянинг биринчи йиғилиши ҳамда қўшма ишбилармонлик тадбирларини ўтказиш муҳимлиги алоҳида таъкидланди.