Украина президент Владимир Зеленский Вилнюсдаги саммит олдидан НАТО давлатларининг Украинага нисбатан позициясини танқид қилди. 
Зеленский Украина иттифоқчилар, умумий хавфсизлик ва очиқ мулоқотни қадрлашини айтди. Ҳурмат туфайли у Вилнюсда НАТО саммитида иштирок этишини тасдиқлади. Сиёсатчи “Украина ҳам ҳурматга лойиқ” эканини таъкидлади.
“Вилнюсга кетаётиб, биз Украинасиз формулировка муҳокама қилиниши ҳақида сигнал олдик. Шуни таъкидламоқчиманки, бу Украина аъзолиги билан эмас, балки фақат таклифномага алоқадор.
Украинанинг альянсга аъзо бўлиши учун вақт чегараси бўлмаса, унинг ўрнига ҳатто Украинани таклиф қилиш учун ҳам ‘шартлар’ қўшилса, бу бемаъниликдир. Афтидан, Украинани НАТОга таклиф қилишга ҳам, уни альянсга аъзо қилишга ҳам тайёргарлик йўқ”, — деди у.
Зеленский бироқ Украинанинг НАТОга аъзо бўлиши ҳақида Россия билан музокаралар олиб бориш имконияти сақланиб қолинаётганини таъкидлади.
“Россия учун эса бу келажакда террорни давом эттиришда мотивацияни англатади”, — деди сиёсатчи.
Украина президенти ноаниқлик заифлик эканини қўшимча қилди ва буни саммитда очиқ муҳокама қилишини айтди.
Изоҳ (0)