Ўзбекистонда президентлик сайлови бошланди

Бугун 9 июль — Ўзбекистонда президентлик сайлови куни. Эрта тонг соат 08:00 да аҳоли президентликка номзодларга овоз беришни бошлади. 

Хусусан, Тошкент шаҳридаги 576-сайлов участкасида жараёнга пухта тайёрларгарлик кўрилган. “Дарё” мухбири мазкур сайлов участкасидан репортаж тайёрлади. 

Хабарингиз бор, президентликка номзодлар 4 кишидан иборат. Улар — Халқ демократик партиясидан Улуғбек Иноятов, ЎзЛиДеПдан Шавкат Мирзиёев, “Адолат” партиясидан Робахон Маҳмудова, Экопартиядан Абдушукур Ҳамзаев.

Сайловда ғолиб бўлган номзод президентликка 7 йилга сайланади. Бу ҳақда янгиланган Конституцияда белгилаб қўйилган.

Айни пайтда Қашқадарё вилоятининг Нишон туманидаги «Пахтакор» маҳалласи, 751-сайловда овоз бериш жараёнлари бошланган. «Дарё» мухбирлари ҳудудларда бўлиб, сайлов жараёнларини кузатмоқда.

Марказий сайлов комиссияси ахборотига кўра, 2023 йил 1 июль ҳолатига жами 376 минг 623 нафар сайловчилар муддатидан олдин овоз бериш ҳуқуқидан фойдаланган. Шундан республика ҳудудида – 275 минг 592 нафар, хорижда – 101 минг 31 нафар сайловчи овоз берган.