Ҳасанбой Дўстматов Таиландда бўлиб ўтадиган мусобақада испаниялик боксчига қарши жанг қилади

Халқаро бокс ассоциацияси (IBA) ярим профессионал форматда “IBA Pro Series” жанглар оқшомини жорий этган.

Ушбу сериядаги навбатдаги бокс оқшоми 15 июль куни Таиланднинг Пҳукет шаҳрида бўлиб ўтади. Унда 3 нафар ўзбекистонлик боксчилар Ҳасанбой Дўстматов, Мужибилло Турсунов ҳамда Асадхўжа Мўйдинхўжаевлар иштирок этади. 

Шунингдек, оқшомда кубалик таниқли Олимпиада ва жаҳон чемпионлари Арлен Лопес, Хулио Сезар Лакруз ҳам рингга кўтарилади. 

Тўлиқ кард қуйидагича кўриниш олди: 

Аёллар: 

• -63 кг: Меган Де Клер (Нидерландия) - Гуадалупе Солис Акоста (Мексика) 
• -75 кг: Элиф Гунери (Туркия) - Валентина Ҳалзова (Қозоғистон) 

Эркаклар: 

• -51 кг: Ҳасанбой Дўсматов (Ўзбекистон) - Мартин Салвадор Моли (Испания) 
• -63,5 кг: Мужибилло Турсунов (Ўзбекистон) - Ҳунарип Пиднуч (Таиланд) 
• -71 кг: Асадхўжа Мўйдинхўжаев (Ўзбекистон) - Дулат Бекбауов (Қозоғистон) 
• -80 кг: Арлен Лопес Кардона (Куба) - Имам Ҳатаев (Россия) 
• -92 кг: Хулио Сезар Лакруз (Куба) - Энмануэл Рейс Пла (Испания)

Ушбу оқшомда баҳсрлар 5 раунддан давом этади.