ISFT институти талабаларига фақатгина сифатли таълим берибгина қолмай, уларнинг юқори даражада малака ва кўникмага эга бўлишларини ҳам таъминлайди. Хусусан, Алоқабанк акциядорлик тижорат банки томонидан ҳақ тўланадиган амалиёт ташкил этилди. Ушбу жараёнларда 24 университет орасидан 6 нафар талабамиз танлаб олинди.
Амалиётни муваффақиятли тугатган номзодлар Банк кадрлар комиссияси кўрсатмаси билан штат таркибидаги ходим сифатида ишга таклиф қилинади.
Таъкидлаш лозим, институтимиз мақсади нафақат Ўзбекистонда, балки ўз билими, ижодкорлиги, кенг фикрлаш доираси билан дунёда тан олинадиган битирувчиларни тайёрлашга йўналтирилган.
Бу борада ISFT талабаларни қоъллаб-қувватлаш мақсадида 2023—2024-ўқув йили учун 300 та гранд ажратди.
Бу эса, талабаларнинг ўз устиларида ишлашлари ҳамда мукаммал комплекс билимларга эга, малакали кадр бўлиб етишишлари учун муҳим омил бўлиб хизмат қилади.
Шу билан бирга, институтимиз барча талабаларига кичик гуруҳларда, махсус ишчи жамоаларида, тажрибали ўқитувчилардан таълим олиш имкониятини беради. Хусусан, ушбу жараёнларда талабаларнинг назарий билимларини ошириш ҳамда уларда амалий кўникмаларни шакллантириш мақсадида Халқаро амалий бухгалтерия ва молия (ACCA) йўналиши ташкил этилган.
Ушбу йўналиш бухгалтерлик ҳисоби, солиққа тортиш ва молиявий бошқарув соҳасида халқаро даражадаги тайёргарлик ва билим беришга қаратилган. Бу тизимнинг ўзига хос ноёблиги касбий билим ва тажриба даражаси турлича бўлган талабларга таълим олиш имкониятларини яратади.
ACCAга аъзо бўлганлар молиявий ҳисобот, бошқарув ҳисоботи, солиққа тортиш, ахборот технологиялари, стратегик режалаштириш ва умумий менежмент соҳаларида муваффақиятга эришиш имкониятини берувчи билим ва кўникмаларга эга бўладилар.
ACCA дастурининг яна бир ўзига хос асосий хусусиятларидан бири таълим мазмуни ва таркибининг ҳар йили халқаро бухгалтерлик амалиёти тамойиллари ва бизнес, ҳисоботлар ва дунё иқтисодиёти соҳаларида қадриятларнинг долзарб ўзгаришларига мувофиқ ҳолда янгиланиши ҳисобланади.
Маълумот учун, Сертификатланган бухгалтерлар уюшмаси (ACCA) бухгалтерлик малакасини таклиф қилувчи глобал профессионал бухгалтерия органидир. Унинг бутун дунё бўйлаб 250 мингга яқин аъзога эга.
Институтда Халқаро бизнес бошқаруви йўналиши ҳам мавжуд бўлиб, ушбу йўналиш бухгалтерия ҳисоби, молия, ишлаб чиқиш, сифат кафолати, лойиҳаларни бошқариш, тадқиқот ва ишланмалар ва маркетинг каби соҳаларни қамраб олади.
Унда талабалалар ўзларида стратегик фикрлаш, етакчилик, муаммоларни ҳал қилиш, мулоқот қилиш қобилиятини шакллантириш билан бирга жамоатчилик ва ташкилотлар билан самарали ишлаш, муваффақиятли менежерлардан талаб қилинадиган асосий кўникма ва малакаларга эга бўлишади.
Институтда мавжуд йўналишлардан яна бир Молия соҳасида бошқарув бўлиб, унда талабаларга компанияларнинг яқин ва узоқ йиллик стратегияларини ишлаб чиқиш, бизнесда рентабеллик, харажатлар, нақд пул ва кредит соҳаларидаги фаолиятни такомиллаштириш бўйича муҳим назарий билимлар билан биргаликда зарур амалий кўникмаларга ҳам эга бўлишади.
Умуман олганда, биз талабаларга сифатли таълим ва юқори даражадаги амалий кўникмаларни таклиф қиламиз.
Институтимизда қабул жараёнлари давом этмоқда. Ҳужжатларни қабул офисларимиз ёки admission.isft.uz сайти орқали онлайн тарзда топширишингиз мумкин.
Шошилинг, навбатдаги номзод сиз бўлишингиз мумкин!
Батафсил маълумот учун: +998 55 506 37 37 | ISFTсуппортбот
Реклама ҳуқуқи асосида.
Изоҳ (0)