Гондурасдаги қаттиқ тартибли аёллар қамоқхонасида юз берган тартибсизликлар оқибатида камида 41 нафар маҳбус ҳалок бўлди, деб ёзмоқда Deutsche Welle.
Гондурас пойтахти Тегусигалпа яқинидаги Тамара шаҳрида жойлашган қамоқхонада можаро чиққан. Жазони ижро этиш муассасасидаги Мара Салватруча ва Баррио 18 номли рақиб жиноий тўдалар аъзолари тўқнашган.
Маҳаллий ОАВ маълумотларига кўра, 25 нафар маҳбус аёл ёқиб юборилган, яна 16 нафари совуқ қуроллар билан ўлдирилган.
Ярадорларнинг беш нафари маҳаллий шифохонага етказилган.
Аввалроқ Мексиканинг Сьюдад-Хуарес шаҳрида қамоқхонага уюштирилган ҳужум оқибатида 14 киши ҳалок бўлган, 24 нафар маҳбус қочиб кетганди.
Изоҳ (0)