Греция ҳуқуқ-тартибот идоралари Ўрта Ер денгизида муҳожирларни олиб кетаётган балиқчи қайиқ ҳалокатга учраб, бир неча юз кишининг ҳаётига зомин бўлган ишни тергов қилишда ёрдам сўраб Европолга (Европа Иттифоқи полиция кучлари) мурожаат қилди. Бу ҳақда Deutsche Welle хабар берди.
Тергов контрабандада гумонланиб ҳибсга олинган тўққиз кишига қаратилган — улар ҳалокатдан омон қолганди. Улардан бири ҳамон касалхонада. 20—40 ёшлар орасидаги Миср фуқаролари одам савдоси, эҳтиётсизликдан одам ўлдириш ва жиноий ташкилот тузишда айбланмоқда. Грециянинг ERТ телеканалига кўра, улар сўнгги ойларда Ливия қирғоқларидан Италияга 18 тагача хавфли кема ҳаракатини ташкил қилган контрабандачилар гуруҳига мансуб.
Европол ёрдами билан грециялик терговчилар контрабанда операцияси ташкилотчиларини аниқлашга умид қилмоқда. Ҳибсга олинганларнинг шахси бошқа тирик қолганларнинг кўрсатмалари асосида аниқланган. Ҳибсга олинганлардан бири бортда ишлаш учун пул олганини тан олди, қолганлари эса барча айбловларни рад этди, деб ёзади Kathimerini газетаси. Омон қолганларнинг сўзларига кўра, улар қайиққа миниш учун киши бошига 5000 дан 6000 еврогача тўлаган.
Гумонланувчилар 19 июнь куни тергов судига келиши керак.
Греция яқинида Жанубий африкалик муҳожирлар қайиғи чўкиб кетди
14 июнь куни Греция қирғоқларида шимолий африкалик муҳожирлар ўтирган балиқчи қайиқ ағдарилиб кетди. 100 дан ортиқ одам қутқариб олинди. Қайиқ бортида 700 нафаргача одам бўлгани тахмин қилинмоқда. Қолганларни тирик топишга умид йўқ экани айтилди.
Қайиқ тахминан 10 июнь куни Ливиядан Италияга йўлга чиққан. У Пилос шаҳри яқинидаги халқаро сувларда чўкиб кетган. Расмийларнинг фикрича, ҳодисага кеманинг ҳаддан зиёд кўп одамни олиб кетаётгани сабаб бўлган.
Греция ҳукумати уч кунлик мотам эълон қилди
Изоҳ (0)