Европада газнинг июль фючерслари нархи кескин кўтарилиб, айни дамда минг куб метр учун 550 доллардан ошди. Бу охирги икки ойдаги максимал кўрсаткичдир. Лондоннинг ICE Futures биржаси тегишли маълумотни тасдиқлади.
Газ учун июль фючерслари нархи сўнгги кунларда кескин ўсишда давом этмоқда. Савдо чоғида газ нархи минг куб метр учун 554,7 долларгача кўтарилди, бу ўтган савдодан 29,7 фоизга юқори.
Москва вақти билан соат 14:29 га келиб газ нархининг кескин кўтарилиши пасайди ва фючерслар 515,3 долларни ташкил қилди.
14 июнь куни Европа энергетика бозоридаги биржа газ нархи ўсиш суръатларини 16 фоизга тезлаштирди, минг куб метр учун нарх 400 доллардан ошди.
Европа энергетика бозорида газ учун биржа нархларининг ўсиши июнь ойнинг биринчи ярмида кузатилди.
9 июнь куни Лондон ICE биржасидаги савдолар чоғида табиий ёқилғи нархи минг куб метр учун 350 доллардан ошган. Котировкаларнинг умумий ўсиши 18 фоиздан ортиқни ташкил этди.
Изоҳ (0)