Фарғона вилоятининг Қўқон шаҳридаги савдо комплексида 12 июнь куни содир бўлган ёнғин бўйича жиноят иши қўзғатилди. Бу ҳақда Бош прокуратура матбуот котиби хабар берди.
![](/static/nigora/photo_2023-06-13_02-11-56.jpg)
ФВВ берган маълумотга кўра, 12 июнь куни соат 19:17 да Қўқон шаҳар Байналмилал кўчасида жойлашган “Буюк ипак йўли” савдо комплекси ҳудудидаги дўкон расталарида ёнғин содир бўлаётгани тўғрисида ФВБга хабар келиб тушган.
Шунга асосан 10 та ёнғин-қутқарув экипажи соат 19:25 да воқеа жойига етиб борган. Ёнғин-қутқарув бўлинмалари томонидан кўрилган тезкор ҳаракатлар натижасида ёнғин 20:25 да қуршаб олиниб, соат 23:30 да бартараф этилган.
Бош прокуратура хабарига кўра, ҳолат юзасидан Жиноят кодексининг 259-моддаси (ёнғин хавфсизлиги қоидаларини бузиш) билан жиноят иши қўзғатилди. Ҳозирда Фарғона вилояти ИИБ ҳузуридаги Тергов бошқармаси томонидан тергов ҳаракатлари олиб борилмоқда.