Тошкент шаҳрида йўловчи электробуси ҳайдовчиси қувиб ўтиш қоидасини бузиб, йўловчилар ҳаётини хавфга қўйди. “Тошшаҳартрансхизмат” ҳолат юзасидан маълумот берди.
Унга кўра, 22 май куни соат 16:15 ларда 72-сонли йўналишда ҳаракатланувчи Yutong русумли электробус ҳайдовчиси йўналиш вақтида қувиб ўтиш қоидасини бузиб, Spark русумли енгил автомобиль ҳаракатига хавф солгани акс этган видео ижтимоий тармоқларга жойлаштирилган.
Мазкур ҳолат юзасидан “Тошшаҳартрансхизмат” акциядорлик жамиятининг Ҳаракат хавфсизлигини назорат қилиш бўлими ходимлари томонидан тезкор суриштирув ишлари ўтказилди. Мазкур қоидабузарликни амалга оширган автобус 2-Автобус саройи филиали тасарруфидаги 72-сонли йўналишда ҳаракатланувчи ҳайдовчи Т.С. томонидан амалга оширилгани аниқланди.
Ҳозирда 2-Автобус саройи филиали томонидан йўналиш вақтида қувиб ўтиш қоидасини қўпол равишда бузгани, йўловчилар ҳаётини хавф остига қўйгани, ҳаракат хавфсизлиги қоидаларига риоя қилмагани ҳамда корхонанинг тартиб-қоидаларини бузгани учун ушбу ҳайдовчига белгиланган тартибда чора кўриш ва баённома расмийлаштириш мақсадида Тошкент шаҳар ИИББ Йўл ҳаракати хавфсизлиги ходимларига тақдимнома киритилган.
Изоҳ (0)