Ўзбекистонда 9 июль куни муддатидан илгари президенти сайлови бўлиб ўтади. “Юксалиш” умуммиллий ҳаракати кенг жамоатчиликни дастурлар билан таништириш мақсадида томонидан номзодларнинг 8 та асосий ташаббус ва таклифларини келтирди.
Халқ демократик партиясидан президентликка номзод Улуғбек Иноятов (ХДП) илгари сураётган 8 та муҳим ташаббус:
- маҳаллий инвесторларга ҳам хорижий инвесторлар каби бир хил имтиёзлар бериш;
- тиббиёт хизматларни рақамлаштириш, шифокорлар томонидан дориларни тайинлашда электрон рецепт тизимига ўтиш;
- энг кам истеъмол харажатларини белгилаш тартиби тўғрисида”ги қонунни қабул қилиш;
- мактаб ўқувчилар учун жамоат транспортидан фойдаланишда табақалашган тарифларни жорий қилиш;
- кам даромадли фуқароларга бепул маслаҳат берадиган юридик клиникалар тармоғини ривожлантириш;
- яшил ҳудудлар, истироҳат боғлари, болалар ўйингоҳларини кенгайтириш, ногиронлиги бўлган шахсларнинг дам олиши учун шароитларни яхшилаш;
- ўзини ўзи банд қилган деб ҳисобланадиган фаолият турлари рўйхатини кенгайтириш.
Тадбиркорлар ва ишбилармонлар ҳаракати — Ўзбекистон Либерал-демократик партиясидан президентликка номзод Шавкат Мирзиёев илгари сураётган 8 та муҳим ташаббус:
- 2030 йилгача мактабгача таълимга бўлган эҳтиёжни тўлиқ қоплаш ва қамров даражасини 100 фоизга етказиш;
- 2030 йилга қадар барча аҳоли пунктларини тоза ичимлик суви билан сўзсиз таъминлаш, бунга 2,5 миллиард доллар ажратиш;
- кейинги 7 йилда 15 миллиард доллар йўналтириш ҳисобига қўшимча 1 миллион хонадонли уй-жойлар қуриш;
- автомобилсозлик соҳасида ҳақиқий рақобат пайдо бўлиши учун 4 та нуфузли хорижий компаниянинг лойиҳаларини ишга тушириш ва ишлаб чиқариш ҳажмини йилига 1 миллион донага етказиш;
- 2030 йилгача ялпи ички маҳсулотни 2 баробар ошириб, 160 миллиард долларга етказиш;
- келгуси йилларда бизнес учун қўшилган қиймат, фойда, айланма ва мол-мулк солиғи ставкалари оширилмаслигини қатъий кафолатлаш;
- “Очиқ бюджет”га йўналтириладиган маблағларни 3 карра ошириб, 24 триллион сўмга етказиш;
- меҳнат мигрантлари ва уларнинг оила аъзолари давлат ва халқнинг доимий ғамхўрлигида бўлишини таъминлаш, уларнинг фарзандларига оқишга ва олийгоҳларга киришда енгилликлар бериш.
“Адолат” партиясидан президентликка номзод Робахон Маҳмудова илгари сураётган 8 та муҳим ташаббус:
- ҳудудлар ўртасидаги иқтисодий бир хил ўсишни таъминлаш, барча туман ва шаҳарларни бир мақомда ривожлантириш;
- судьялар сонини кўпайтириш, оилавий, меҳнат, интеллектуал мулк, вояга етмаганлар бўйича ихтисослашган судьялар корпусини шакллантириш;
- “Тиббий ёрдамнинг кафолатланган ҳажми тўғрисида”ги қонунни қабул қилиш,
- йўлсозлик соҳасидаги ишлар сифати устидан жамоатчилик назоратини кучайтириш;
- тадбиркорларни кредитни (имтиёзли кредитдан ташқари) мақсадсиз сарфлаганлик учун жавобгарликка тортиш амалиётига барҳам бериш;
- адвокатура институтини ривожлантириш, судьянинг суд процессидаги ролини камайтириш, асосан далилларни баҳолашга урғу бериш,
- маҳаллий кенгашларга туман (шаҳар) ҳокимларига нисбатан ишончсизлик билдириш ҳуқуқини бериш;
- депутатлар иш вақтининг ярмини ўз сайловчилар ёнида ўтказишни белгиловчи тартибни жорий этиш.
Экологик партиядан президентликка номзод Абдушукур Ҳамзаев илгари сураётган 8 та муҳим ташаббус:
- инвестициявий жозибадорликни ошириш мақсадида “Яшил виза” (Greeн Visa) дастурини жорий этиш;
- шаҳарлар бош режаларини тузишда яшил майдонлар камида 30 фоизни ташкил этиши талабини қонунчиликда белгилаш;
- полиэтилен, полиамид таркибли қадоқлаш маҳсулотлари, бир марталик ишлатиладиган пластик идишлардан фойдаланишдан босқичма-босқич воз кечиш;
- шаҳарлар марказларида ҳар ҳафтанинг жума кунини автомобилсиз кун сифатида белгилаш ва шахсий транспортдан фойдаланмасликни кенг тарғиб қилиш;
- экологик қонунчиликни кодификациялаш, Экология, Сув, Ўрмон кодексларини қабул қилиш;
- оқова сувларни тозалаш иншоотлари самарадорлиги паст бўлган ҳудудлардаги иншоотларни модернизация қилиш ва янгиларини қуриш;
- давлат идоралари фаолиятида, тендерларда, давлат харидларида очиқлик ва шаффофликни кенгайтириш чораларини кучайтириш;
- пестицидлардан фойдаланишдан воз кечишга йўналтирилган “Яшил Ўзбекистон — 2030” дастурини ишлаб чиқиш.
Президентликка номзодларнинг сайловолди ташвиқоти 7 июндан бошланди. Ўзбекистон президенти сайловида иштирок этаётган ҳар бир номзодга тарғибот тадбирлари учун 4 миллиард 914 миллион сўм ажратилган.
Изоҳ (0)