Ўзбекистон 2023 йилнинг январь—апрель ойларида 7 та хорижий давлатлардан қиймати 2,4 миллион долларга тенг бўлган музқаймоқ ва музқаймоқ маҳсулотларини импорт қилган. Бу ҳақда Статистика агентлиги хабар берди.
Қайд этилишича, музқаймоқ ва музқаймоқ маҳсулотлари импорти 2022 йилнинг мос даври билан солиштирилганда 190 тоннага ошган.
2023 йилнинг 4 ойида Ўзбекистонга импорт қилинган музқаймоқ ва музқаймоқ маҳсулотларининг энг катта улушига эга бўлган давлатлар:
- Россия – 330 тонна;
- Қозоғистон – 127,2 тонна;
- Қирғизистон – 16,4 тонна;
- Литва – 8,6 тонна;
- Франция – 7,4 тонна.
Бундан олдин Ўзбекистон мавсум бошидан бери 30 минг тоннадан ортиқ тарвуз экспорт қилиб рекорд қайд этгани тўғрисида хабар берилганди. 2023 йил май ойида Ўзбекистон жами 6,5 миллион долларлик 30,4 минг тонна тарвуз экспорт қилди. Бу ўтган йилнинг шу даврига нисбатан 9 баравар, 2021 йилнинг май ойига нисбатан эса 12 баробар кўпдир.
Изоҳ (0)