Пойтахт Тошкентни Тошкент вилоятининг Зангиота тумани Назарбек шаҳарчаси билан боғловчи Назарбек кўприги фойдаланишга топширилди. Мазкур тадбирда иштирок этган вилоят ҳокими Зоир Мирзаевнинг маълумот беришича, кўприкдан бир кунда 30 мингта автомобиль ва 24 минг пиёда ўтиб-қайтади.
.jpg)
.jpg)
“2022 йилнинг иккинчи ва 2023 йилнинг биринчи ярмида Тошкент вилоятига йўл ва кўприклар қурилиши учун 1 триллион 113 миллиард сўм маблағ ажратилган. Бундан ташқари 600 миллиард сўмга яқин маблағ фақат ичимлик суви учун сарфланган. Қолаверса, Тошкент вилоятидаги ижтимоий соҳа объектларини қуриш учун, жами қурилиш ишларига 2,09 триллион сўм маблағ ажратилган. Бу рақам Тошкент вилояти аҳолиси бир йилда давлатдан беш йиллик маблағини олди дегани. Илгари бунча маблағни беш йилда ўзлаштирар эдик. Куни кеча президентимиз яна ички йўллар таъмири учун бу маблағга қўшимча 440 миллиард сўм пул берди”, — дейди вилоят ҳокими мазкур кўприк очилишида сўз олар экан.
Маълум бўлишича, мазкур кўприк қурилишига 72,9 млрд сўм маблағ ажратилиб, жами 23 та уй, дўкон ва нотурар жой бузилишига сабаб бўлган.
Зоир Мирзаевнинг қўшимча қилишича, Назарбек кўпригининг қурилиши режа бўйича 2023 йилнинг ноябрь ойида якунланиши керак эди.
“Бу кўприк қурилишини шахсан ҳурматли юртбошимизнинг ўзлари назоратга олиши, Бош вазиримизнинг икки маротаба келиб-кетиши, ўзимизнинг кўп маротаба келиб назорат қилиб туришимиз эвазига қурилиш ишлари олти ой аввал, муддатидан олдин қуриб битказилди. Бу кўприкдан бир кунда 30 мингта машина ўтса, 23-24 минг нафар аҳоли ўтиб-қайтади. Муҳими бугун шунча аҳолининг мушкули осон бўлди”, — дейди вилоят раҳбари.
Зоир Мирзаев кўприк қурилишидаги муаммолар сабаб юзага келган ноқулайликлар учун ҳудуд аҳолисидан узр ҳам сўради.
.jpg)
Тадбир давомида кўприк қурилишида иштирок этган фаол қурувчиларга тўн кийдирилиб, аҳоли номидан миннатдорлик изҳор этилди.
Изоҳ (0)