“Манчестер Сити” футболчиси Илкай Гундўған фаолиятини “ПСЖ”да давом эттириши мумкин. Бу ҳақда Get French Football News хабар берди.
“Манчестер Сити” билан шартномаси 2023 йилнинг июль ойида якунига етадиган Илкай Гундўған “ПСЖ”нинг трансфер мақсадларидан бири ҳисобланади. Париж клуби ярим ҳимоя чизиғини кучайтиришни режалаштирмоқда.
Парижликлар гол ура оладиган ва ҳимоядан ҳужумга ўтишни осонлаштирадиган ярим ҳимоячи билан шартнома имзолашни хоҳламоқда.
Гундўғанга “Барселона” ва “Арсенал” ҳам қизиқиш билдирмоқда. “ПСЖ”га футболчининг ўзи Каталония клубига ўтишни хоҳлаётгани маълум қилинган. Бироқ Париж жамоаси мураббийи сифатида тайинланиши кутилаётган Юлиан Нагелсманн футболчини “ПСЖ”га ўтишга кўндириши мумкин.
Илкай 2022/23 йилги мавсумда Англия Премьер Лигасининг 31 ўйинида майдонга тушиб, саккизта гол уриб, тўртта голга ассистентлик қилди.
Изоҳ (0)