Соғлиқни сақлаш вазирининг буйруғи билан Фармакологик воситаларнинг ёки дори воситаларининг клиник тадқиқотларини ўтказиш тартиби тўғрисида низом тасдиқланди.
Барча янги дори воситалари клиник тадқиқотларнинг ижобий натижаси асосида давлат рўйхатидан ўтказилади, бундан рўйхатда белгиланган дори воситалари мустасно.
Тасдиқланган Фармакологик воситаларнинг ёки дори воситаларининг клиник тадқиқотларини ўтказиш тартиби тўғрисида низом қуйидагиларни белгилайди:
- клиник тадқиқотларни ўтказишга рухсатнома олиш тартиб-таомили;
- клиник базада дори воситаларини синовдан ўтказиш нормалари;
- клиник тадқиқотларни ўтказиш жараёнида томонларнинг ҳуқуқлари ва мажбуриятлари;
- клиник тадқиқотлар жараёнида мансабдор шахсларнинг ҳаракатлари (ҳаракатсизлиги) устидан шикоят қилиш ва уни кўриб чиқиш.
Соғлиқни сақлаш вазирлигининг 2023 йил 5 июндаги 3440-сон буйруғи билан 2025 йил 1 январгача бўлган муддатда давлат рўйхатидан ўтказмасдан, мажбурий сертификатлаш шарти билан тиббиёт амалиётида қўллаш ва олиб киришга рухсат бериладиган, Ўзбекистонда давлат рўйхатидан ўтказилган аналоглари мавжуд бўлмаган дори воситалари ва тиббий буюмлар рўйхати тасдиқланган. Рўйхат 29 та дори воситалари номи ва 90 та тиббий буюмлардан иборат.
Ҳужжатлар Қонун ҳужжатлари маълумотлари миллий базасида эълон қилинган ва 5 июндан кучга кирган.
2023 йил 1 майдан дорихоналарда сотилган дори воситалари ва тиббий буюмлар учун белгиланган устамалардан юқори маблағ олингани аниқланса, ортиқча пулни истеъмолчига қайтариш тизими ишга туширилиши тўғрисида хабар берилганди. Бундан кўзланган мақсад истеъмолчилар ҳуқуқларини ҳимоя қилиш тизимини янада такомиллаштириш ва фармацевтика соҳасида қонунчилик меъёрларининг истеъмолчи фойдасига ишлашини интерактив усулларда назорат қилишдан иборат.
Изоҳ (0)