Қуйидаги машҳур аёллар даҳшатли воқеаларни бошдан кечирган бўлсалар-да, бахтли ҳаёт қура олишнинг уддасидан чиқишган.
Шарлиз Терон
Онаси отасини отиб ташлаганини кўрган
Шарлиз Тероннинг отаси сурункали алкоголик бўлиб, хотинини калтаклаган ва ов милтиғини қизига қаратиб қўрқитган. 1991 йил 21 июнь куни Герда Терон навбатдаги жанжал пайтида эрини 15 ёшли қизининг кўз ўнгида отиб ўлдирган. “Содир бўлган воқеа учун онамдан ҳеч қачон хафа бўлмаганман — онам ўзини ва менинг ҳаётимни сақлаб қолди”, — дейди Шарлиз Терон фожиа ҳақида.
Рианна
Зўравонлик қурбони бўлган
Хонанданинг йигити 19 ёшли Крис Браун 21 ёшли Рианнани ёпиқ машинада шафқатсизларча калтаклаган, қизнинг у ердан қочиб қутулишига имкони бўлмаган. Крис ҳатто қизни бўғиб ўлдирмоқчи бўлган, бироқ полиция бақир-чақир овозларни эшитиб, етиб келган. Крис Браун дастлаб айбини рад этган бўлса-да, кейинчалик ўз ихтиёри билан полиция участкасига боради. Суд уни жамоат ишларига ва беш йиллик синов муддатига ҳукм қилгандан сўнг, қиздан кечирим сўрайди. Шундан сўнг хонанда ижод ёрдамида бу нарсани унутишга ҳаракат қилади. Рианна қўшиқларида бир неча марта зўравонлик мавзусини кўтариб чиқади — Russian Roulette ва Маn Down қўшиқлари айнан шу воқеадан таъсирланиб яратилган.
Кайли Миноуг
Саратон билан курашган
“Шифокорлар ташхисни айтишганда, гапиролмай қолганман”, — 2005 йилда Кайли Миноугга кўкрак саратони ташхиси қўйилган. Уни жарроҳлик ва кимётерапия кутаётганди. Кайли сочларини йўқотди, вазни 38 килограмм бўлиб, териси оқариб, кекса аёлга ўхшаб қолади. Кураш бир ярим йил давом этади ва даволаниш тугагандан сўнг хонанда дарҳол тўхтатилган гастрол сафарини давом эттиради, китоб ва альбом ёзишни бошлайди, шунингдек, шахсий атирини яратади. Аммо Кайли Миноугнинг энг катта ютуғи — кўкрак бези саратони муаммосига жамоатчилик эътиборини қаратганидир. Шифокорлар кўплаб аёллар соғлиғига эътибор беришни ва мунтазам равишда маммографиядан ўтишни бошлаганларида, “Кайли эффекти” пайдо бўлганини таъкидлашади.
Лили Аллен
Икки марта боласидан айрилган
Британиялик қўшиқчи Лили Алленнинг она бўлишга биринчи уринишлари фожиали тугайди. 2007 йил охирида 22 ёшли Лили Аллен ва унинг севгилиси, The Chemical Brothers гуруҳининг 37 ёшли солисти Эд Симонс тез орада ота-она бўлишларини эълон қилишади. Бўлажак онанинг оғир даврдан олдин дам олиши ва тикланиши учун эр-хотин Малдив оролларига таътилга кетишади, аммо ўша ерда Лили боласидан айрилади. Фожиадан кўп ўтмай, эр-хотин ажралишади. 2011 йилда хонанда қурилиш компанияси эгаси Сем Куперга турмушга чиқади. Тўй бўлиб ўтади, лекин чақалоқ муддатидан анча олдин ўлик ҳолда туғилади. Жуфтлик бир-бирини тушунган ҳолда сабр билан яшашда давом этади. 2011 йил охирида у Этел Мари исмли соғлом қизчани дунёга келтиради, бир йилдан сўнг эр-хотин яна фарзандли бўлишларини эълон қилишади.
Изоҳ (0)