“Ювентус” Европа Суперлигаси лойиҳасидан чиқади. Бу ҳақда клуб расмия сайтида эълон қилинган баёнотда маълум қилинди.
Турин клуби “Реал” ва “Барселона” билан бирга ушбу лойиҳадан воз кечмаётган жамоалар қаторида эди.
Испаниянинг АS нашри хабар қилишича, “Ювентус” УЕФАнинг босими остида ушбу қарорга келишга мажбур бўлган. “Кекса синьора” бош директори Марисио Сканавино “Реал” ва “Барселона”га йўллаган хатида Европа футбол ассоциацияси молиявий фирибгарлик билан боғлиқ ишлаб сабаб “Ювентус”ни Еврокубоклардан уч йилга четлатиш билан таҳдид қилаётгани ҳақида ёзган.
Қайд этилишича, Суперлига таъсисчилари УЕФАнинг бу юришидан ғазабга тўлган ва ўз тарафдорини юридик томондан ҳимоя қилишга тайёр.
Бироқ “Ювентус” ўзининг расмий баёнотида босим ҳақидаги хабарларни инкор этган.
2021 йилнинг 18 апрель куни 12 клуб (“Манчестер Юнайтед”, “Манчестер Сити”, “Ливерпуль”, “Челси”, “Арсенал”, “Тоттенҳэм”, “Барселона”, “Реал”, “Ювентус”, “Атлетико”, “Интер” ва “Милан”) бошчилигида Европа Суперлигасига асос солинганди. Орадан икки кун ўтиб қатор клублар бирин-кетин лойиҳани тарк эта бошлади ва Суперлига лойиҳаси вақтинча тўхтатилди. Фақат “Реал”, “Барселона” ва “Ювентус” лойиҳани тарк этмаганди. 2023 йил бошида Суперлига қайта тикланиши борасида хабарлар тарқалди.
Эслатиб ўтамиз, 2022 йилнинг ноябрида молиявий айбловлар ортидан “Ювентус” раҳбарияти истеъфо берганди. Январь ойида эса клубнинг собиқ президенти Андреа Анелли ва бош директор Маурисио Арривабене 2 йилга, собиқ вице-президент Павел Недвед 8 ойга, Фабио Паратичи эса 2,5 йилга футболдан четлатилган.
2023 йилнинг январь ойида А Серияда клубдан 15 очко олиб қўйилган, апрель ойида қарор бекор қилинганди. Май ойида эса 10 очко олиб ташлаш борасида якуний қарор қабул қилинганди.
Изоҳ (0)