Самарқанд вилоятининг Жомбой туманида аёл қайнакаси томонидан калтакланди. Бу ҳақда вилоят Оила ва хотин-қизлар бошқармаси матбуот хизмати хабар берди.
Маълум қилинишича, аёл 30 май куни юз ва қўл-оёқ соҳасидаги жароҳат билан шифохонага ётқизилган бўлиб, айни вақтда аҳволи нисбатан қониқарли. Шифокорлар томонидан барча зарур тиббий ёрдамлар кўрсатиляпти. Оила ва хотин-қизлар бошқармаси бошлиғи ҳамда мутахассислар иштирокида аёлга ҳуқуқий ва психологик кўмак берилди.
Дастлабки маълумотга кўра, 1982 йилда туғилган аёл М.Р. ва турмуш ўртоғининг акаси А.Р. ўртасида ўзаро келишмовчилик келиб чиққан. Фермер хўжалиги ишчиси бўлган А.Р. фермер хўжалиги экин майдонига қорамоли тушгани учун М.Р.га тан жароҳати етказган.
“Айни вақтда беморнинг саломатлиги, ҳуқуқий ҳимояси доимий назоратда. Туман ИИБ томонидан тергов ҳаракатлари олиб бориляпти”, — дейилади бошқарма хабарида.
Изоҳ (0)