Тошкент шаҳрининг Янгиҳаёт туманида содир бўлган йўл-транспорт ҳодисаси оқибатида икки ҳайдовчи жароҳат олди. Бу ҳақда пойтахт ИИББ ЙҲХБ ахборот хизмати хабар берди.

Қайд этилишича, 2 июнь куни соат 05:00 ларда Тошкент металлургия заводи қаршисида 2007 йилда туғилган Б.Ш. Matiz русумли автомашинасини бошқариб кетаётиб, ҳаракатсиз турган 26 ёшли Ж.Ш. бошқарувида бўлган Ladа билан тўқнашиб, йўл-транспорт ҳодисаси содир этган.

Аниқланишича, Matiz’ни автомашина бошқариш ҳуқуқига эга бўлмаган 16 ёшли вояга етмаган фуқаро ҳайдаб кетаётган бўлган.

ЙТҲ оқибатида Matiz ҳамда Ladа ҳайдовчилари турли тан жароҳатлари билан шифохонага ётқизилган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

Йўл-транспорт ҳодисалари билан боғлиқ ҳолатлар

7 май куни Тошкентнинг Олмазор туманида йўловчи автобуси ва Cobalt иштирокида ЙТҲ юз бергани, ундан олдин Қашқадарёда икки машина тўқнашуви оқибатида икки киши ҳалок бўлгани, Тошкентда бошқарувни йўқотган Cobalt ағдарилиб, ёниб кетгани, Хоразмда юқори тезликда ҳаракатланиб, дарахтга урилган Spark йўловчиси ҳалок бўлгани тўғрисида хабар берилганди.