Ўзбекистонда автотураргоҳлар ва бозорлар ҳудудида электромобилларни тез қувватлантириш станциялари қурилади. Бу ҳақда “Экология ва атроф-муҳитни муҳофаза қилиш соҳасини трансформасия килиш ва ваколатли давлат органи фаолиятини ташкил этиш чора-тадбирлари тўғрисида”ги президент фармонида белгиланди.
Фармонга кўра, 2023 йил 1 декабрдан қуйидаги ерларда электромобилларни тез қувватлантириш станциялари барпо этилади:
- Нукус шаҳри, вилоятлар марказлари ва вилоят бўйсунувида бўлган шаҳарлар ҳудудларидаги автомобилларга ёқилғи қуйиш шохобчалари, сиғими 100 автомобилдан ортиқ бўлган автотураргоҳлар ҳамда бозорлар ҳудудида;
- “Ўзбекистон туризм магистрали” туризм транспорт коридори автомагистрал йўлларида жойлашган автомобилларга ёқилғи қуйиш шохобчалари, савдо ва кўнгилочар марказлари ҳудудида.
“Ўзбекистон туризм магистрали” туризм транспорт коридорининг чўл ва саҳро қисмида қуёш электр станцияларини қурган ҳолда биринчи 50 та электромобилларни тез қувватлантириш станцияларини барпо этиш учун ҳар бир лойиҳага 100 млн сўм субсидия сифатида ажратилади.
2023 йил 1 июлдан чиқинди полигонларини хусусийлаштириш тақиқланади. Шу санадан “Чиқиндиларни оммавий йиғиш” (UzPlgging) умуммиллий ҳаракати ташкил этилади.
Шунингдек:
- “Табиатга меҳр” инновацион ва интеллектуал лойиҳалар танлови ўтказилади;
- “Табиат мадҳияси” (мусиқа ва матни) учун танлов эълон қилинади;
- “Ёш экологлар” ҳаракати кўкрак нишони таъсис этилади;
- мактабларнинг Миллий ўқув дастурига “экосоат” дарслари киритилади.
2023 йил 1 июлгача Республикада ташкил этиладиган экологик акциялар махсус платформаси ишга туширилади.
Ҳужжат билан Марказий Осиё атроф-муҳит ва иқлим ўзгаришини ўрганиш университети (Greeн University) ташкил этилди.