Кечқурун сочлар янги кўринишини йўқоца ва кундалик ювиш ажралмас одат бўлса, бу кўпинча қатор ноқулайликларни келтириб чиқаради. Бу нима учун содир бўлади ва қандай йўл тутиш кераклиги борасида Maxsim online нашри бир қатор тавсияларни келтириб ўтди.
Сочни қанча оралиқда ювиш керак?
Одатда, сочлар ювилганидан кейин 2-3 кун ичида кирланади. Баъзи одамларнинг бош териси қуруқлиги, сочларнинг қаттиқлиги ва ғоваклилиги туфайли бу муддат 5 кунгача чўзилиши мумкин.
Сочингизни ювгандан кейин бир неча соат ўтгач ёки ўша куни кечқурун бош териси ёғланиб, сочлар янгилигини сезиларли даражада йўқотганда муаммолар ҳақида гапиришингиз мумкин.
Нима учун соч тез ёғланади?
Кўпинча бош терисининг тез ва кучли кирланиши сабаби ёғли себорея — ёғ безлари ҳаддан ташқари кўп миқдорда секреция чиқарадиган патология ҳисобланади. Бунга қуйидаги аломатлар ҳамроҳ бўлади:
- Қайзғоқ;
- Бош терисининг қичиши ва қуруқлиги;
- Соч тўкилиши, ингичкалашиши ва мўртлик;
- Бош терисининг қизариши, тортишиш ҳисси, безовталик;
- Нохуш ҳид.
Унинг пайдо бўлиши ва ривожланишига кўплаб омиллар таъсир қилади — ирсиятдан ун ва ширинликларни ортиқча истеъмол қилишгача. Бирламчи сабаб трихолог ҳузурида мутахассис ёрдами билан аниқланади.
Бош терисидаги ёғланишни қандай камайтириш мумкин?
Ёғли себореяни самарали даволаш учун комплекс ёндашув қўлланилади:
- Дори-дармонлар, антисептик, замбуруғга қарши ва кератолитик препаратлар буюрилади;
- Терапия косметик муолажалар билан тўлдирилади;
- Таъсирни яхшилашга уйда парвариш қилиш ва парҳезни тузатиш ёрдам беради.
Ёғли бош терисини даволаш учун дарсонвализациядан фойдаланилади. Ушбу усул ёғ безларининг фаоллигини уларга импулсли оқим таъсири туфайли камайтиришга имкон беради. Оқим юқори частотали ва кам қувватли бўлгани учун, бош териси учун мутлақо хавфсиздир ва жараённинг ўзи ниҳоятда қулай.
Мезотерапия бош терисининг ёғланишини енгишга ёрдам беради. Бу ҳужайраларни озиқлантирадиган витаминлар ва микроэлементларнинг юқори миқдори бўлган махсус препаратларнинг тери остига қилинадиган инексияларидир. Бундай коктейллар туфайли теридаги метаболик жараёнлар уйғунлашади ва у шифо беради.
Шунингдек, ёғли себореяни даволашнинг бир қисми сифатида парафин терапияси қўлланилади. Махсус тиббий парафин терининг янгиланишига, ундаги метаболик жараёнларнинг фаоллаштиради, қичишиш ва яллиғланишни камайтиради.
Изоҳ (0)