Багамада жойлашган Литтл Пайп Кей ороли сотувга қўйилди. Айнан шу ерда “Кариб денгизи қароқчилари” култ фильми ва Жеймс Бонд ҳақидаги “Royal казиноси” картинаси суратга олинган.
Литтл Пайп Кей оролининг нархи 100 миллион долларни ташкил қилади. Оролнинг янги эгасига тўлиқ анонимлик ваъда қилинган. Қайд этилишича, орол байрамлар ёки оилавий дам олиш учун идеал жой ҳисобланади.
Оролда бешта алоҳида уй, вертолёт майдончаси, курорт ва катта панорамали бассейн мавжуд. Шунингдек, унда яхталар учун жой ва сувда сузишга мўлжалланган мототцикллар мавжуд.
Литтл Пайп Кей Багама ороллари пойтахтидан 112 километр узоқликда жойлашган. Оролнинг ёнида инсонлар яшамайдиган 365 та кичикроқ участка мавжуд. Уни бир кеча ижарага олиш 75 минг доллар туради.
Изоҳ (0)