Ўзбекистонда 2023 йилнинг апрель ойида қанча енгил автомобиль ишлаб чиқарилгани маълум бўлди. Бу ҳақда Статистика агентлиги хабар бермоқда.
Маълумотларга кўра, жорий йилнинг апрелида март ойига нисбатан камроқ автомобиль ишлаб чиқарилган — 27 323 та.
Таққослаш учун, мамлакатда март ойида 28 338 дона, февраль ойида эса 22 719 дона автомобиль ишлаб чиқарилган.
Йил бошидан бери Ўзбекистонда энг кўп Cobalt автомобили ишлаб чиқарилмоқда. Апрелда ҳам бу давом этган — 9 965 дона. Бироқ бу кўрсаткич мартдагига нисбатан 136 тага кам.
Апрель ойида Lacetti-Gentra ишлаб чиқариш кўрсаткичи мартга нисбатан 3 563 тага кўпайиб, 9 531 тага етган.
Бу даврда Damas ишлаб чиқарилиши кескин камайган. Мартда ушбу автомобилдан 7 419 та ишлаб чиқарилган бўлса, апрелда бу кўрсаткич 2 197 донага тушган.
Шунингдек, 1 ой ичида Nexia ишлаб чиқариш ҳам 1 701 тага камайиб, 142 донага тушган. UzAuto Motors томонидан 2022 йилда Nexia ишлаб чиқариш бутунлай тўхтатилиши айтилган эди.
Бироқ 2022 йилда Nexia учун навбатлар бир йилгача чўзилган. Компания кўп эҳтимол билан шартнома асосида олдиндан тўлов қилганлар учун охирги Nexiaъларни етказиб бермоқда.
Апрелда Nexia ўрнини босиши кутилган Onix ишлаб чиқариш кўрсаткичи ошди — 2 545 дона. Январь—март ойларида эса ушбу автомобиль русумидан умумий 559 дона ишлаб чиқарилган эди.
2022 йил 17 декабрда Cobalt, Lacetti, Damas автомобиллари сотуви тўхтатилганди. Компания 2023 йилдан Spark ва Nexia ўрнига Tracker ва Onix ишлаб чиқаришини маълум қилган.
Изоҳ (0)