Ушбу маҳсулот деярли барча организм тизимларининг муаммоларини ҳал қилишда ёрдам берадиган кўплаб витамин ва озиқ моддаларни ўз ичига олади. У, шунингдек, депрессияга қарши воситадир. Қовоқ уруғининг организм учун фойдали хусусияти ва уларни қай тарзда қабул қилиш кераклиги ҳақида билиб олинг.
Таркиби
Қовоқ уруғлари озуқа моддалари, калория, ёғ, оқсил ва клетчаткага бой. 100 грамм қовоқ уруғида 574 калория, 49 грамм ёғ, 6,6 грамм клетчатка ва 30 грамм оқсил мавжуд.
Уруғ таркибидаги ёғлар асосан моно тўйинмаган ёғ бўлиб, улар соғлиқ учун фойдалидир.
Шунингдек, уруғлар B1, B2, B3, B5, B6, B9, C, E ва К витаминларини ўз ичига олади. Шунингдек, калсий, темир, магний, марганец, фосфор, калий, натрий, цинк ва бошқа микроэлементлар учрайди.
Қовоқ уруғининг организм учун қандай фойдалари бор:
Кучли антиоксидант
Қовоқ уруғлари таркибидаги E витамини ва каротиноидлар туфайли кучли антиоксидантдир. Ушбу антиоксидантлар яллиғланишни камайтиради ва организмни турли ташқи таъсирлардан ҳимоя қилади.
Юрак учун фойда
Худди шу антиоксидантлар юракни қатор касалликлардан ҳимоя қилади. Қовоқ уруғидаги магний қон босимини пасайтиради. Бундан ташқари, зарарли холестерин (LDL) ва триглицеридларни камайтиради.
Саратондан ҳимоя қилади
Уруғларни мунтазам истеъмол қилиш ошқозон, кўкрак ва йўғон ичак саратони хавфини олдини олади. Бу уруғларда кучли антиоксидантлар мавжудлиги билан боғлиқ.
Уруғ таркибидаги каротиноидлар простата саратонини ҳам олдини олади.
Қандли диабетни даволайди
Магний қонда қанд даражасини пасайтиришга ёрдам беради, бу диабетга чалинганлар учун, айниқса, фойдалидир. Шу боис бундай беморларга уруғларни истеъмол қилиш тавсия этилади.
Иммунитетни мустаҳкамлайди
Қовоқ уруғлари E витамини ва цинк туфайли иммунитетга кони фойда. E витамини иммунитетни кучайтиради ва бир қатор юқумли касалликлардан ҳимоя қилади. Цинк яллиғланиш, аллергия ва патогенларнинг организмга кириб келишидан ҳимоя қилади, шу билан инфекцияларнинг олдини олади ва умумий иммунитетни оширади.
Қовоқ уруғлари микробларга қарши курашувчи хусусиятларга ҳам эгадир.
Уйқу сифатини яхшилайди
Уруғларда мавжуд бўлган аминокислота триптофан осуда уйқуни таъминлайди. У уйқу чақирадиган ва сифатини яхшилайдиган серотонин ва мелатониннинг манбаи ҳамдир.
Озишга ёрдам беради
Қобиқли қовоқ уруғлари оқсил ва клетчаткага бой. Улар бизни узоқ вақт давомида тўқ тутади, озиқ-овқат истеъмол қилиш ва шунга мос равишда истеъмол қилинадиган калориялар сонини ҳам камайтиради. Бу эса вазн йўқотишга ёрдам беради.
Суякларни мустаҳкамлайди
Таркибидаги магний суякларнинг ўсиши ва мустаҳкамланиши учун зарур элемент ҳисобланади. Тадқиқотларга кўра, диетасида етарли миқдорда магний бўлган одамларда суяк минерал зичлиги юқори бўлади. Бу суяк синиши ва остеопороз каби хавфларнинг олдини олади. Бошқача қилиб айтганда магнийнинг паст даражасида яллиғланиш кучаяди. Магний етишмовчилигининг яна бир ён таъсири — қондаги калсий миқдорининг пасайиши ҳисобланади. Ҳар 100 грамм қовоқ уруғида 262 миллиграммгача магний мавжуд. Бу миқдор минералга бўлган кунлик эҳтиёжнинг 65 фоизини қоплаш учун етарли.
5 та энг кўп бериладиган саволлар:
Уруғлар заҳарли бўлиши мумкинми?
Қовоқ уруғлари заҳарли бўлмайди. Бироқ, нотўғри сақлаш ва ишлов бериш микотоксинлар ёки афлатоксинлар ва қўшимча маҳсулотлар заҳарли моддалар миқдорини оширади. Қовоқнинг хом уруғлари ичак таёқчаси ва салмонеллаларга кўпроқ мойил бўлиб, кўнгил айниши, қусиш ва диарея каби нохуш ҳолатларни келтириб чиқариши мумкин. Шунинг учун уй шароитида қовурилган уруғларни танлаш тавсия этилади.
Уруғларни ҳазм қилиш қийинми?
Эҳтимол, уруғлар таркибидаги клетчатка туфайли бир оз секин ҳазм бўлади. Аммо клетчатка соғлиқ учун фойдали, шу боис қовоқ уруғида ҳеч қандай зарар йўқ.
Кунига қанча қовоқ уруғини истеъмол қилиш керак?
Ҳафтада тахминан 140 грамм уруғ истеъмол қилиш тавсия этилади. Уруғларни ҳаддан ташқари кўп истеъмол қилиш зарарли бўлиши мумкин.
Уруғларни ҳар куни еса бўладими?
Ҳа, бўлади. Ҳар куни тахминан 28-30 грамм уруғ истеъмол қилиш тавсия этилади.
Уруғларни оч қоринга истеъмол қилиш мумкинми?
Ҳа, уларни оч қоринга илиқ сув билан ичиш организмни турли заҳарли моддалардан тозалашга ёрдам беради.
Изоҳ (0)