Халқаро террорчилик ташкилотига аъзоликда гумонланиб, қидирувда бўлган шахс хориждан Ўзбекистонга олиб келинди. Бу ҳақда ИИВ матбуот хизмати хабар берди.
Қайд этилишича, 36 ёшли Ш.Н. ижтимоий тармоқлар орқали диний экстремистик ва террорчилик ташкилотлари ғоялари таъсирига тушиб, интернет орқали халқаро террорчилик ташкилотлари аъзолари билан доимий алоқада бўлиб келган ҳамда уларнинг таъсирида 2016 йилда Сурия ҳудудига ўтган. У ерда халқаро террорчилик ташкилоти сафига қўшилиб, жанговар тайёргарликдан ўтган.
Чет эл ҳуқуқ-тартибот идоралари билан олиб борилган ҳамкорликдаги тадбирлар давомида Ш.Н. хорижий давлатларнинг бирида ушланган.
Ҳозирда унга нисбатан қўзғатилган жиноят иши доирасида тергов ҳаракатлари олиб борилмоқда.
Экстрадиция ҳолатлари
2023 йилнинг март ўрталарида Латвияда ўзини элчихона ходими сифатида таништириб, одамларни чув тушириб юрган Ўзбекистон фуқаросини экстрадиция қилингани тўғрисида хабар берилганди. Шунингдек, март охирларида Интерполнинг Ўзбекистондаги Миллий марказий бюроси ходимлари томонидан халқаро қидирувда бўлган шахсни экстрадиция қилиш Швециядан биринчи марта амалга оширилди.
Апрель бошида Москва шаҳрида 13 йил олдин Ўзбекистонда содир этган жинояти учун халқаро қидирувда бўлган шахс қўлга олинганди. Ой ўрталарида бўлса, Қирғизистонда террорчилик ташкилотига аъзоликда гумонланиб, икки ўзбекистонлик ҳибсга олинган эди.
Изоҳ (0)