Қирғизистоннинг Боткен вилоятида Ўзбекистон фуқароларидан пул ундириб келган Чегара хизматининг тўрт нафар ҳарбий хизматчиси қўлга олиниб, вақтинча сақлаш изоляторига жойлаштирилди. Бу ҳақда Миллий хавфсизлик давлат қўмитасига таяниб, 24.кг хабар берди.
Маълум қилинишича, “Қайтпас” ва “Ўтукчу” назорат-ўтказиш пунктлари ҳарбий хизматчилари Қирғизистон-Ўзбекистон давлат чегарасидан тўсиқсиз ўтиш учун фуқаролардан тизимли равишда 50 дан 1000 сомгача (тахминан 131 минг сўм) пул ундириб келган.
“Пул беришдан бош тортганларнинг паспорт назоратидан ўтишига тўсқинлик қилинган, бу эса фуқароларни чегарачилар талабларига бўйсунишга ва керакли пулни беришга мажбурлаган. Чегара хизматининг тўрт нафар ҳарбий хизматчиси гумонланувчи сифатида қўлга олиниб, Боткен тумани ИИБ вақтинчалик сақлаш ҳибсхонасига жойлаштирилди.
Ҳолат юзасидан Қирғизистон Жиноят кодексининг ъмансаб ваколатини суиистеъмол қилишъ моддаси билан жиноят иши қўзғатилди”, — дейилади хабарда.
Изоҳ (0)