Фильмда бош қаҳрамоннинг узоқ умри ҳақида ҳикоя қилинганда, уни ёш ва қариликда кўрсатишади. Баъзан актёрни визуал равишда қариш ёки аксинча, ёшартириш учун грим қилинади. Аммо кўпинча ёш ва кекса қаҳрамон ролини икки хил одам ўйнайди. Бунинг учун ёш хусусиятларини ҳисобга олган ҳолда, бир-бирига иложи борича ўхшаш бўлган 2 кишини топиш керак.
Роберт Де Ниро ва Марлон Брандо
Иккала актёр ҳам “Чўқинтирган ота” (1972) фильмидаги Вито Корлеоне роли учун “Оскар” олган. Бу кино тарихида ҳар бир актёр бир хил образни ўйнагани учун алоҳида мукофот олган ягона ҳолат. Брандо “Энг яхши эркак роли” учун Оскар олган бўлса, “Иккинчи пландаги энг яхши эркак роли” Де Нирога насиб этди.
Эль Феннинг ва Кейт Бланшетт
“Бенжамин Баттоннинг сирли тарихи” (2008) фильми режиссёри пластик пардоз ва графикадан фақат Бред Питт ўйнаган қаҳрамон образини яратиш учун фойдаланган. Аммо унинг севгилиси Дейзи ролини Эль Феннинг ва Кейт Бланшет ижро этган. Ўша пайтда Эль 10 ёшда бўлган.
Роберт Паттинсон ва Хэл Холбрук
Иккала актёр ҳам “Филларга сув” (2011) фильмида ветеринар Жейкоб ролини ижро этган. Хэл Холбрукнинг сўзларига кўра, у Роберт Паттинсонни кўрганида, ҳайратда қолган: “Мен унга қараб, Худойим, сен ёшлигимсан-ку деганман”.
Женнифер Лоуренс ва Шарлиз Терон
“Ёнаётган текислик” (2008) драмасида 18 ёшли Женнифер Лоуренс бош қаҳрамон Марианнанинг ёшлигини экранда гавдалантирган, кейин эса ижодий эстафетани Шарлиз Теронга топширган.
Жаден Мартелл ва Жеймс МакАвой
2017 йилда “У” фильмининг 1-қисми чиқди, унда асосий ролларни ёш актёрлар ижро этди. 2 йилдан сўнг, вояга етган қаҳрамонлар билан ҳикоянинг давоми чиқди ва уларни тажрибали юлдузлар ўйнашди. Масалан, катта ёшли Билл Денбро образини Жеймс МакАвой гавдалантирган. Айтганча, кўпчилик ушбу фильмдаги актёрлар таркиби деярли бенуқсон бўлганини таъкидлади.
Рейчел МакАдамс ва Жина Роулендс
“Хотиралар кундалиги” мелодрамасида (2004) бош қаҳрамон Элли кексалигида таниқли актриса Жина Роулендс томонидан ажойиб тарзда ўйнаган. Эллининг ёшлигидаги образини Рейчел МакАдамс гавдалантирган. Айтишларича, актрисанинг кастингга тайёргарлик кўришга деярли вақти бўлмаган, чунки унга сценарий бир кун олдин берилган эди. Шунга қарамай, у ролни аъло даражада ижро этди.
Райан Гослинг ва Жеймс Гарнер
Худди шу фильмда Эллининг кекса севгилиси Ной ролини актёр Жеймс Гарнер ижро этган. Фильмни суратга олиш пайтида Райан Гослинг ҳали машҳур эмасди. Режиссёрнинг сўзларига кўра, у Ной образини номаълум ва хунук кимса ижро этишини хоҳлаган.
Хуан Минухин ва Жонатан Прис
“Икки папа” (2019) фильмида актёрлар Хуан Минухин ва Жонатан Прис жуда қийин вазифага дуч келишди: улар 2013 йилда Рим папаси Франсиск бўлган Хорхе Бергоглио ролини ўйнашлари керак эди. Аммо юқори баҳоларга кўра, иккала актёр ҳам ролни аъло даражада бажаришган.
Кейт Уинслет ва Глория Стюарт
“Титаник” (1997) фильмидаги Роуз Дюитт Бюкатер образини Кейт Уинслет (ёшлигида қаҳрамон ролини ўйнаган) ва Глория Стюарт (кексаликдаги қаҳрамон ролини ўйнаган) синаб кўришган. Бу дуэт эътибордан четда қолмади ва иккала актриса ҳам ўз ишлари учун турли номинациялар бўйича “Оскар” мукофотига номзод бўлишди. Бироқ уларнинг ҳеч бири орзу қилинган ҳайкалчани ололмаган.
Дэниел Редклифф ва Жон Хемм
Дэниел Редклифф ва Жон Хемм “Ёш шифокорнинг эслатмалари” (2012—2013) телесериалида доктор Владимир Бомгард ролини ижро этган. Сюжет га кўра, актёрлар кўпинча битта кадрда кесишади, шунинг учун улар орасидаги аниқ ўхшашликни сезмаслик мумкин эмас.
Мартин Фриман ва Иэн Холм
Бу икки актёр 2012 йилда суратга олинган “Хоббит: кутилмаган саёҳат” фильмида “Узуклар ҳукмдори” сагасидаги Билбо Беггинс ролини ўйнаган. Актёр Иэн Холмни фақат фильм прологида кўриш мумкин.
Лили Жеймс ва Мерил Стрип
2008 йилда “Маmma Mia!” мусиқий фильми чиқди, унда Мерил Стрип намунали она Донна ролини ижро этди. 10 йилдан сўнг ушбу ҳикоянинг 2-қисми суратга олинди. Унда британиялик актриса Лили Жеймс Доннанинг ёшлигини ижро этган.
Изоҳ (0)